Konsellu Fiskal

by

Prezidente Konsellu Fiskal

Bendito Soares, moris iha Uatulari, Viqueque, loron 12 Dezembru 1986. Eleitu nu’udar Prezidente Konsellu Fiskal (Board) iha loron 15 Marsu 2016, bainhira RCC realiza Asembleia Jeral ba da-huluk iha Salaun Sentru Treinamentu Vokasional Joventude (STVJ), Comoro. Bendito Soares partisipa iha Asembleia refere nu’udar Diretór Ezekutivu ONG Creative Children Timor-Leste (CCTL), reprezenta sosiedade sivil bazeia ba kritéria asembleia nian.

Lia-Fuan Prezidente Konsellu Fiskal

Radio Comunidade Comoro (RCC) nudar lian Komunidade hodi garante Paz no estabilidade no dezenvolvimentu  ekonomia komunidade lokal. Labrik, Juventude, no Aman-Inan, lider lokal , seguransa, negosiante lokal,  no parseiru dezenvolvimentu  sira bele asessu no participa iha Radio hodi bele goza sira nia diretu.  Nune’e RCC  oferece ona programa oin-oin atu bele responde  ba nesesidade komunidade nian.

RCC agradece wain ba Lider Suku Comoro, Sr. Eurico da Costa de Jesus ba nia tulun hodi bele haforsa komitmentu hari’i Radio Comuidade Comoro. Ba Embaxada Japaun liu husi nia Ajénsia JICA, Japan International Cooperation Agency no OPAC, Okinawa Peace Assistant Center ba sira nia tulun ekuipamentu rádiu nian no programa Dame iha Suku Comoro. Nune’e mos apoiu oportunidade ba Jornalista RCC hodi bele hetan treinamentu no vizita iha Japan. Ba Governu Timor –Leste: SECOMS, Secretaria de Estado para Comunicação Social ba nia tulun ba sustentabilidade rádiu liu husi DN-CRC, Diresaun Nacional Centro Radio Comunidade. FMDC, Fundo Média Development Center ba nia apoiu RCC ba treinamentu Jornalista sira.  Agradese mos ba parseiru dezenvolvimentu sira seluk ONG nasional no lokal, Agencia Nasional no Internasional, liu-liu ba lider komunitariu sira suku Comoro nian ba Kooperasaun diak ba Dezenvolvimentu Radio Comunidade Comoro. Ikus liu hau nia agradece ba ekuipa RCC ba sira nia vontade diak dezenvolve Radio.

 RCC sei esforsu makas liu tan hodi bele servi diak ba povo no nasaun ba Comunidade Comoro lori lian komunidade no haforsa sira nia komitmentu ba dezenvolve sira nia ekonomia no moris diak iha suku Comoro. Nune’e, Nudar prezidente Radio nian ho haraik an ami husu nafatin ita boot sira nia tulun liu-liu ba Governu Timor-Leste hodi alkansa ojetivu radio nian- Moris diak povo Comoro.  Radio Komunidade, Lian Komunidade, Tatoli Lia Comunidade Comoro.

Vise Prezidente Konsellu Fiskal

Eurico da Costa de Jesus, moris iha loron 07 Janeiru 1954, oan husi Moises de Jesus no Teresinha da Costa Ornay. Oan da-ruak husi maun alin nain Sanulu Resin Ha’at, mane ualu no feto neen.

Kaben ho Danila Maria da Costa M. Calau, iha oan nain hitu; Moises N. de Jesus, Oscar Trindade da C. M. de Jesus, Maria de F. M. Calau, Januário da C. de J. Calau, Rosália da C. M. Calau, Manuel Geraldo da C. de J. no Natachia Fereira da C. Monis Calau.  Hela iha   Aldeia 4 de Setembro, suku Comoro, Dom Aleixo, Dili.

Eleitu nu’udar Vise Prezidente Konsellu Fiskal (Board) iha loron 15 Marsu 2016, bainhira RCC realiza Asembleia Jeral ba da-huluk iha Salaun Sentru Treinamentu Vokasional Joventude (STVJ), Comoro. Eurico da C. de Jesus partisipa iha Asembleia refere nu’udar Xefe Suku Comoro,  reprezenta líder komutniáriu bazeia ba kritéria asembleia nian.                                        

Sekretáriu Konsellu Fiskal

Sancho Belito Fernandes, moris iha loron 28 Novembru 1990, oan husi Agostinho Fernandes ho Maria da Costa. Oan da-ruak husi maun alin nain ne’en, feto rua no mane na’in ha’at. Sancho Belito Fernades kaben nain no iha oan feto ida, Egilda Andrea Marçal Fernandes. Hela iha Aldeia 02, Suku Fatuhada, Postu Administrativu Dom- Aleixo, Munisípiu Dili.

Eleitu nu’udar Sekretáriu Konsellu Fiskal (Board) iha loron 15 Marsu 2016, bainhira RCC realiza Asembleia Jeral ba da-huluk iha Salaun Sentru Treinamentu Vokasional Joventude (STVJ), Comoro. Sancho Belito Fernandes partisipa iha Asembleia refere nu’udar Koordenadór Konsellu Joventude Postu Administrativu Dom Aleixo hodi reprezenta tipu komunidade Joventude nian bazeia ba kritéria asembleia nian.

Comment