Konsellu Administrasaun

by

Diretór Ezekutivu

Natalino Fernandes Ximenes, moris iha Ermera, 28 Outubru 1991, oan husi Evaristo Ximenes Tilman no Maria da Silva Fernandes. Oan da-ruak husi maun alin na’in ualu (mane rua no feto neen). Kaben ho Liliosa da Cruz Amaral, iha oan na’in tolu: Escólastica Naliosa Amaral Ximenes, Aimo Nalioso Amaral Ximenes no Maria Bertilla Naliosa Amaral Ximenes. Hela iha Marinir, aldeia Beto-Tasi, suku Madohi, Dom-Aleixo, Díli, Timor-Leste.

Eleitu nu’dar Diretór ezekutivu Radio Comunidade Comoro (RCC), iha loron 12 Outubru 2015. Hahu iha tinan 2013, hanesan istória inísiu iha nia envolvimentu iha RCC. Nu’udar mos Asosiadus (Fundadór) husi nain 13 ne’ebé reprezenta joventude Comoro asina ata iha Ministériu Justisa hodi legaliza estatutu RCC, nain 13 ne’e kontinua voluntariamente to’o RCC hari’i iha loron 1 Jullu 2015, nu’udar loron da-huluk RCC halo transmisaun.

Iha fulan Setembru 2015, hamutuk ho ONG Internasional, Okinawa Peace Assistance Center (OPAC), ne’ebé sai nu’udar projetu na’in ba estabelesementu RCC, halao vizita estudu komparativu iha Japaun, provinsia Okinawa durante semana rua hodi aprende kona-bá Programa Design & Marketing iha Radio Okinawa Fm Yominta. Iha tinan 2005 nu’udar faze da-huluk involve nu’udar Repórter ka “Jornalista Cilik” ho programa infantil iha estasaun Rádio Comunidade Café Ermera-Gleno.

Formasaun iha Área Média:

  • 2019-Dezembru, partisipa formasaun kona-ba Notísia no Reportázen iha Rádio Tokodede, Liquiçá.
  • 2019-Fulan 9, Curso de Português para Jornalistas-Nível A1-B2, CLJ-Instituto Camões oras 600.
  • 2019, partisipa formasaun “Ateliê de Jornalismo Rádiofônico para jornalista rádio comunitária” husi PFMO_CENJOR_durante oras 60 iha Páteo, Díli.
  • 2019, partisipa formasaun “Ateliê de Jornalismo de Dados” husi PFMO-CENJOR iha Hotel Ramelau-Aimutin, Díli.
  •  2017 (fulan 5), Treinamentu kona-ba Média e Comunicação iha Centro Formação Técnica em Comunicação (CEFTEC),  tutela iha Concelho dos Ministros.

Kordenadór Programa

Nelson Freitas Fraga, moris Iha Baucau, 20 Janeiru 1996, oan husi Cornelio António Fraga no Joaninha Marçal Freitas. Oan da-ha’at husi maun alin nain sia (feto aa’at no mane lima). Kaben ho Costódia Ximenes, hela iha Aldeia 05, suku Fatuhada, postu administrativu Dom-Aleixo, munisípiu Díli.

Eleitu nu’udar kordenadór programa iha Radio Comunidade Comoro (RCC), iha loron 05 Abril 2017. Hahu hala’o kna’ar Jornalisa iha loron 22 Outubru 2016 hanesan membru voluntariu formasaun (MVF) no kompleta kritéria nu’udar Membru Voluntáriu Ativu (MVA). iha loron 09 Marsu 2017.

Formasaun iha Área Média

  • 2019- Curso de Potuguês Para Jornalistas-Nível A1-B1, CLJ-Instituto Camões oras 600.
  • 2019- Partisipa Formasaun “Ateliê de Jornalismo Dados” Husi PFMO CENJOR iha Hotel Ramelau-Aimutin, Díli.
  • 2018- Partisipa Formasaun “Prevene Violénsia Kontra Feto-Média Mós Bele” husi Sekretaria Estado ba Igualidade no Inkluzaun, iha Salaun Maria Gorreti-Caicoli, Díli.
  • 2017- Partisipa Formasaun “Repotazen Kr’itiku Justu no Balansu iha Eleisaun Parlamentar” husi Conselho de Imprensa Iha Salaun Delta Nova, Díli.
  • 2017-Partisipa Formasaun “Hakbi’it Koñesimentu ba Prevene no Kombate Korupsaun iha Timor-Leste” Husi CEPAD iha Tower ,Fatuhada, Díli.
  • 2017-Partisipa Formasaun “Projetu Polítiku Jornalizmu nia ba Jornalista Radio Comunidade” husi OPAC, UNDP no TLMDC iha Radio Liberdade Díli.
  • 2016- Curso ba Jornalizmu Imprimi, Online,TV no Radiu iha S-DESK,Taibesi, Díli

Administrasaun no Finansas

Ivónia Marçal do Rego, moris iha Ermera, Lauana, iha loron 03 Juñu 1995. Oan husi  Custódio Paulo do Rego  no Anita Maria Marçal, oan da-toluk hosi maun alin nain 9, mane tolu (3) no feto ne’en (6). Hela iha Fatumeta, aldeia Rai Nain, suku Bairo-Pite, postu administrativu Dom Aleixo, munisípiu Díli.

Halao kna’ar nu’udar jornalista no aprezentadora ba programa dedikatóriu no talkshow iha Radio Comunidade Comoro (RCC,) iha loron 14 Agostu 2018 nu’udar Membru Voluntáriu Ativu (MVA) bazeia ba kritéria ne’ebé RCC estabelese hodi hahu produs programa sira. Molok sai MVA iha loron 12 Abril 2018 mak tempu ne’e hahu envolve a’an iha RCC ho pozisaun Membru Voluntáriu Formasaun (MVF) nu’udar regra báziku.

Molok voluntáriu iha RCC, hahu ho estájiu prátika kona-ba jornalizmu rádiu durante fulan tolu (3) iha RCC hodi kompleta formasaun teoria iha ONG NIETIL kona-ba jornalizmu rádiu, televizaun no jornal durante fulan ha’at (4) iha tinan 2017.

FORMASAUN IHA ÁREA MÍDIA

  • 2019  Kursu postugues ba  Jornalistas-Nível A1/A2, CLJ-Instituto Camões  total 200 horas.
  • 2019 Formasaun kona ba” Mídia no Mudansa KímatikaFasilita husi AJTL, organiza husi UNESCO,International Federation of Journalists.

Delfina Nunes, moris iha Bairo-Pite, Díli iha loron 5 Agostu 1990, oan husi Mariano da Silva no Maria de Jesus, oan da-ha’at husi maun alin na’in 6, mane ha’at no feto rua. Hela iha Kakaulidun, aldeia 02 Niken, suku Bairo-Pite, postu administrativu Dom-Aleixo, munisípiu Díli.

Hahu sai membru voluntario formasaun (MVF) iha Radio Comunidade Comoro (RCC), iha loron 23 Maiu 2018, no konsege kompleta kritéria liu husi produs programa RCC nian, hodi sai membru voluntáriu ativu (MVA) ka jornalista no aprezentadora ba programa dedikatóriú no talkshow iha loron 11 Juñu 2018. Molok voluntáriu iha RCC, servisu ona nu’udar jornalista iha TimorPost durante tinan ida husi 2016 to’o 2017.

Formasaun iha Área Mídia

  • 2019-Dezembru, partisipa formasaun konaba Notísia no Reportázen iha Rádio Tokodede, Liquiçá.
  • 2019, “Atelie de Fornalismo de dados” husi PFMO-CENJOR, iha Hotel Ramelau, Aimutin, Díli.
  • 2019, Treinamentu Jornalizmu Komprensivu durante fulan tolu, husi Concelho de Imprensa (CI) no UNDP. 
  • 2018, Formasaun Reportazen Sensivél ba Jéneru, hala’o iha Secretaria de Estado da Igualdade Género. 

Jornalista MVA

(Membru Voluntáriu Ativu)

Madalena Alves, moris iha Viqueque,  Uato-Lari, iha loron 03 /07/ 1990. Oan husi Luis Sarmento no Maria Sarmento, oan ikun hosi maun alin nain 5, mane tolu (3) no feto rua (2). Hela iha Farol, aldeia Lirio, suku Motael, Postu Administrativu Vera –Cruz, Munisípiu Dili.

Molok voluntáriu iha Radio Comunidade Comoro (RCC), hahu ho estájiu prátika kona ba jornalizmu rádiu durante fulan tolu (3) bainhira tuir formasaun ONG NIETIL rádiu, televizaun no jornal iha NIETIL,  durante fulan ha’at (4) iha tinan 2018  nia laran. Hahu ho MVF mak sai hanesan pozisaun dahuluk iha loron 18 Agostu 2018 nu’udar Membru Voluntáriu Formasaun (MVF) no kompleta kretéria nu’udar Membru Voluntáriu Ativu (MVA) iha loron 11 Novembru   2018 hodi halao kna’ar nu’udar jornalista no aprezentador ba programa dedukatóriu no talkshow.


Arnaldos Afonso, moris iha Loloto’e, loron 20 Maiu 1991, oan husi Mateus Afonso no Lucia Afonso. Oan da-ha’at hosi maun alin na’in 9, mane ha’at (4) no feto lima (5). Hela iha Farol, aldeia Lirio, suku Motael, postu administrativu Vera –Cruz, munisípiu Díli.

Iha loron 03 fulan Fevereiru tinan 2018, mak loron ne’ebé hahu envolve a’an iha Rádio Comunidade Comoro (RCC) nu’udar membru voluntáriu formasaun (MVF) hodi priense kritéria durante fulan tolu molok sai membru voluntáriu ativu (MVA) iha loron  Maiu 2018 hodi hala’o knaa’r nu’udar jornalista no aprezentador ba programa dedikatóriu no talkshow. Formasaun teoria jornalizmu konaba; rádio, televizaun, jornal no online ne’ebé konsege finaliza iha Sentru DESK-Taibesi durante fulan ne’en(6) iha tinan 2016, kontinua  estájiu  prátika iha TVE-T durante fulan tolu (3) no hetan  fiar sai membru ativu hodi kontinua hala’o servisu hanesan jornalista TVE-T iha área Cameraman no Reporter durante tinan ida  fulan rua.

Iha fulan jullu 2019 hahu envolve a’an iha Rádio Comunidade Comoro (RCC),  bainhira remata estájiu prátika konaba jornalizmu rádiu durante fulan rua (2), husi formasaun teoria ne’ebé hetan husi iha Grace For Development (GFD), Vilaverde, Dili konaba editing testu notísia jornal, TV, rádiu no mos parte tékniku nian iha área Cameramaen no aprezentador. Hahu ho Membru Voluntariu Formasaun (MVF) iha RCC, mak sai hanesan pozisaun da-huluk hodi kompleta ‘kritéria RCC nian liu husi produs programa sira, molok sai hanesan Membru Voluntáriu Ativu (MVA) ka ka jornalista RCC. Hafoin kompleta rekejitus hirak ne’e durante fulan tolu (3), hahu servisu nu’udar jornalista no Aprezentador ba programa dedikatóriu no talkshow iha fulan outubru 2019.


Sidónia Fernandes, moris iha Viqueque, Uato-Lari, iha loron 19 Setembru 1995. Oan husi Jeremias Lopes de Menezes  no Filomena da Silva Soares, oan ikun hosi maun alin nain 6, mane ida (1) no feto Lima (5). Hela iha Kintal Bot, aldeia 4 Setembru, suku Santa Cruz, postu administrativu Nain-Feto, munisípiu Díli.

Halao kna’ar nu’udar jornalista no aprezentadora ba programa dedikatóriu no talkshow iha Radio Comunidade Comoro (RCC) iha loron 4 Agustu 2018 nu’udar Membru Voluntáriu Ativu (MVA) bazeia ba kritéria ne’ebé RCC estabelese hodi hahu produs programa sira. Molok sai MVA iha loron 12 Abril 2018 mak tempu ne’e hahu envolve a’an iha RCC ho pozisaun Membru Voluntáriu Formasaun (MVF) nu’udar regra báziku. Molok voluntáriu iha RCC, hahu ho estájiu prátika kona-ba jornalizmu rádiu durante fulan tolu (3) iha RCC hodi kompleta formasaun teoria iha ONG NIETIL kona-ba jornalizmu rádiu, televizaun no jornal durante fulan ha’at (4) iha tinan 2017.


Aginu Ximenes Freitas, moris iha Laútem,10 Outubru 1996, oan husi Alberto Ximenes no Abelita Freitas, oan da-ruak husi maun alin na’in lima (mane rua no feto tolu), kaben ho Laurinda Moniz, iha oan nain ida, Gevrilha Moniz Freitas. Hela iha Tasi-Tolu, aldeia 12 de Outubro, suku Comoro, postu administrativu Dom Aleixo, munisípiu Díli.

Iha fulan Abril 2017 hahu envolve a’an iha RCC bainhira remata estájiu prátika kona-ba jornalizmu rádiu durante fulan rua, bainhira tu’ir formasaun iha Sentru Dezenvolvimentu Ekonomia Sosial Kultura (S-DESK).

Hahu ho Membru Voluntáriu Formasaun (MVF) mak sai hanesan pozisaun ba da-huluk hodi kompleta kritéria RCC nian, liu husi produz programa sira molok sai hanesan Membru Volontariu Ativu (MVA) ka jornalista RCC. Hafoin kompleta tiha rekejitus hirak ne’e durante fulan rua. Hahu halo servisu nu’udar jornalista no aprezentador ba programa dedikátoriu no Talk show.

Formasaun iha Área Mídia

2016 kursu jornalizmu Imprimi, Online no Televizaun, Rádiu, iha (S-DESK) iha Taibesi Dili Timor-Leste. 2017 partisipa formasaun “ Projetu Politíku Jornalizmu nian ba Jornalista Radiu komunidade” husi OPAC, UNDP no TLMDC iha Radio Liberdade, Dili Timor-Leste.


Mário Gomes,  moris iha Baucau, Gari-Uai iha loron 01 05 1979. Oan husi Serafin Gomes no Isabel Ana Freitas, oan  da-lima husi  maun  alin  nain 6, mane tolu no feto tolu. Hela iha Bidau Massaur, aldeia Sagrada Família, Suku Bidau Massaur, postu administrativu Cristo Rei, munisípiu Díli.

Iha loron 17 Janeru 2017 nu’udar mak pozisaun da-huluk iha Radio Comunidade Comoro (RCC) nu’udar Membru Voluntáriu  Formasaun (MVF), no kompleta kritéria nu’udar membru voluntario Ativu (MVA) iha loron 20 Maiu 2017 hodi halao kna’ar nu’udar jornalista no aprezentador ba programa dedikatóriu ho takshow. Molok voluntáriu iha RCC, partisipa formasaun jornalizmu imprimi, online, TV no rádio iha S-DEKS, Taibesi, Díli. Partisipa mos formasaun jornalizmu meiu ambiente  durante loron ha’at iha fulan Juñu 2018, husi FMDC. Iha tinan 2017 partisipa formasaun “Projetu Polítiku Jornalizmu nian ba Jornalista Radio Comunidade” husi ONG Japaun-OPAC.


Herculano Gomes, moris iha Bobonaro, Lour iha loron 13 Agostu 1990, oan husi  Arlindo Gomes no Elsa de Jesus, oan da-lima hosi maun alin nain 7, mane lima no feto rua. Hela iha Lurumata, aldeia 03, suku Fatuhada,  postu administrativu Dom Aleixo, munisípiu Díli.

Hahu sai membru voluntáriu formasaun (MVF) iha Radio Comunidade Comoro (RCC), iha loron 24 04 2017, no konsege kompleta kritéria liu husi produs programa RCC nian hodi sai membru voluntáriu ativu (MVA) ka jornalista no aprezentador ba programa dedikatóriu no talkshow RCC iha loron 27 07 2017. Hafoin priensia tiha kritéria, hetan fiar hodi sai hanesan Xefi Editor.

Formasaun iha Área Mídia

  • 2019, Formasaun iha Ceftec kompostu husi unidade: Hakerek Imprensa, Radio, Televizaun no Multimédia Báziku no Multimédia Avansadu.
  • 2019, Kursu postuguês ba  Jornalistas-Nível A1/A2, CLJ-Instituto Camões  total oras 200
  • 2017, tuir formsaun jornalizmu konaba; rádio, televizaun, jornal no online iha S-DESK
  • 2017, tuir formasaun Ceftec kompostu husi unidade Komunikasaun Relasaun Públika no Protokolu, Dezeñu Gráfiku, Fotografiano no Vídeo Dijital.
  • 2016, tuir formasaun kona-ba Jornalizmu Online iha Sentru Direitu Ekonómiku Sosial no Kultural (S-DESK) iha área Radio, TV, Jornal, iha Ex-Fundasaun Veteranu, Taibes,i Dili, durante fulan (6), no kontinua halao estájiu Jornal Díario  Dili Post durante fulan ne’e (6).

Imaculdada Mendonça Espírito Santo, moris iha Maubisse, iha loron 12 Maiu 1986, oan husi José Espíritu Santo no Madalena da Costa Sarmento. Oan ikun husi maun alin nain hitu, (feto ha’at no mane tolu). Hela iha Matadouro, aldeia Mate Restu, suku Villa Verde, postu administrativu Vera Cruz, munisípiu Díli.

Hahu envolve a’an iha iha Radio Comunidade Comoro (RCC), iha loron 07 Jullu 2016, nu’udar membru voluntáriu formasaun (MVF)  mak sai hanesan pozisaun da-huluk hodi kompleta kritéria RCC nian, liu husi produs programa sira molok sai hanesan membru voluntáriu ativu (MVA) ka jornalista loron 5 Juñu 2017, hodi hala’o kna’ar nudar jornalista no aprezentador programa dedikatóriu no talkshow.

Formasaun iha Área Mídia

  • 2018, treinamentu Jornalizmu Komprensivu,  organiza  husi UNDP no Conselho de Imprensa iha Hotel Ramelau, Aimutin, Díli.

2017 – Partisipa Formasaun “Projetu Polítiku Jornalizmu nia ba Jornalista Radio Comunidade” husi OPAC, UNDP no TLMDC iha Radio Liberdade Díli.


Paulo Quelo, moris iha Oe-Cusse, 05 Maiu 1992, oan ikun husi maun alin na’in ne’en (mane ha’at no feto tolu). Oan husi Domingos Quelo (matebian) ho Françisca Ena (faluk). Hela iha Kampung Merdeka, aldeia Moris Foun, suku Comoro, Dom Aleixo, Díli.

Hahu tinan 2016 mak sai hanesan istória inísiu envolve iha Radio Comunidade Comoro (RCC), Paulo Quelo nia mehi sai jornalista, hahu dau-daun bainhira partisipa Kompetisaun Lokutór Rádiu ne’ebé realiza iha Rádiu Liberdade Díli, organiza husi FMDC, RCC, Radio Rakambia no Departamentu Komunikasaun Sosial-UNTL.

Hafoin kompleta tiha estájiu kompetisaun nian iha RCC, Paulo ho nia naran anin nian, “Akeu” ne’ebé koñesidu iha fans sira nia tilun, hahu aprende lori programa dedikatóriu “Boa Noite Comoro” ne’ebé halao durante oras rua iha tempu kalan.

Iha 2018, servisu ba programa Omoshiro Japan, halo tradusaun ba Lian Tetum hodi Selebra Loron Internasional Biodiversidade no Ambiente Mundial liu husi programa Edukasaun Ambiental ne’ebé públika iha RTTL.Ep, organiza husi JICA.

Hahú 2017 mak Akeu hala’o nia kna’ar nu’udar no aprezentador ba programa divertimentu no Talk show. Esperénsia foun ne’ebé Paulo hetan liu husi halo transmisaun direita kona-ba Eleisaun Parlamentar husi Enklave Oe-Cusse, Sentru Votasaun Makelab, Suku Taiboco, Pante- Makasar.

Formasaun iha Área Mídia:

  • 2019, Kursu Modula Rádiu, iha Centro Formação Técnica em Comuncação CEFTEC-Conselho Ministro.
  • 2019, Treinamentu Jornalista Ambiente Báziku organiza husi UNDP Timor Leste no Conselho Imprensa (CI).
  • 2018, Kursus Língua Portuguésa Consultório Línguas Para Jornalistas (CLJ) total oras 200 Nível A1/A2 husi Institutu Camões.
  • 2016, partisipa treinamentu no kompetisaun Lokutór Radiu tuir formasaun jornalizmu iha programas aprezentador, notísia, reporter, transmisaun direita organiza husi FMDC iha Rádiu Liberdade Díli.

  • 2016-Agustu, partisipa programa Teki-Toke husi Radio Liberade Díli.
  • 2017-Outubru, partisipa formasaun projitu polítiku jornalizmu nian ba jornalista Radio Comunidade Comoro husi ONG Japaun-OPAC
  • 2017, Treinamentu ba Jornalista Programa CVTL nian no Primeiro Sokorru
  • 2018, Treinamento Jornalizmu Kompriensivu husi Progrma Nasoens Unidas nian ba    Dezenvolvimentu (PNUD) no Conselho de Imprensa(CI)
  • 2019, Kursu Portugues ba Jornalista-Nivel A1/A2 husi Instituito Camões
  • 2019, Estajiu iha RTTL.Ep durante fulan ne’en(6) iha Departamentu Planu Agenda
  • 2019, Partisipa formasaun “Ateliê de Jornalismo Rádiofônico para jornalista rádio comunitária” husi PFMO_CENJOR_durante oras 60 iha Páteo, Díli.

Joana Martins Brites, Moris iha Díli, iha loron 29 Juñu 1994, oan husi Manuel da Costa Brites no Marciana Martins, oan da-huluk husi maun alin nain sia (9), mane ne’en (6) no feto tolu (3). Hela iha Manleuana, aldeia Mane-Mesak, suku Manleuana, postu administrativu Dom Aleixo, munisípiu Díli.

Iha loron 3 fulan Marsu 2016, hahu envolve iha Radio Comunidae Comoro (RCC), nu’udar Membru Voluntáriu Formasaun (MVF), mak sai hanesan pozisaun da-huluk hodi kompleta kritéria RCC nian liu husi produz programa, molok sai hanesan Membru Voluntáriu Ativu (MVA) ka Jornalista RCC nian iha loron 12 fulan Juñu 2016. Hafoin Kompleta tiha rekejitus hira ne’e durante fulan rua (2) hahu halao servisu nu’udar jornalista no aprezentadora ba programa dedikatóriu no talkshow.

Iha tinan 2015 , voluntáriu iha Televizaun Edukasaun (TVE), durante fulan lima (5) e’e hanesan istória inisíu aprende servisu iha área mídia nian.

Formasaun iha Área Mídia:

  • 2016-Agustu, partisipa programa Teki-Toke husi Radio Liberade Díli.
  • 2017-Outubru, partisipa formasaun projitu polítiku jornalizmu nian ba jornalista Radio Comunidade Comoro husi ONG Japaun-OPAC
  • 2017, Treinamentu ba Jornalista Programa CVTL nian no Primeiro Sokorru
  • 2018, Treinamento Jornalizmu Kompriensivu husi Progrma Nasoens Unidas nian ba    Dezenvolvimentu (PNUD) no Conselho de Imprensa(CI)
  • 2019, Kursu Portugues ba Jornalista-Nivel A1/A2 husi Instituito Camões
  • 2019, Estajiu iha RTTL.Ep durante fulan ne’en(6) iha Departamentu Planu Agenda
  • 2019, Partisipa formasaun “Ateliê de Jornalismo Rádiofônico para jornalista rádio comunitária” husi PFMO_CENJOR_durante oras 60 iha Páteo, Díli.

Simão da Costa Ximenes, moris iha Baucau, loron 05 Novembru 1997, oan husi Norberto da Costa Ximenes no Elisa Inásia Ximenes. Oan da-huluk hamutuk ho nia alin feto nain rua. Hela iha Kampung Baru, aldeia 30 de Agosto, suku Comoro, postu adminitrativu Dom-Aleixo, munisípiu Díli.

Hahu sai nu’udar membru voluntáriu formasaun (MVF) iha Radio Comunidade Comoro (RCC) iha loron 05  jullu 2019 hafoin remata nia estájiu prátika konaba jornalizmu  hodi kompleta formasaun teoria ne’ebé hetan husi ONG Unidade Feto ba Dezenvolimentu (UFD) iha Baucau.   Iha 2016, Partisipa mos formasaun Jornal Parede kona-ba hakerek notísia no téknika intervista iha Escola Secundária Geral 02, Villa Nova, Baucau.


Ana Graciana Floriana Soares, moris iha Ouroma, Lospalos iha loron 02 Setembru 1996. Oan husi Alfredo Soares no Julieta Soares, oan ikun husi maun alin nain hitu (mane rua no feto lima).  Hela iha Pantai Kelapa, aldeia 03, suku Fatuhada, postu administrativu Dom-Aleixo, munisípiu Díli.

Hahu sai nu’udar membru voluntáriu formasaun  (MVF) iha Radio Comunidade Comoro (RCC), iha loron 7 Outobru 2019, bainhira remata estájiu prátika kona-ba jornalizmu rádiu durante fulan rua iha ONG  Grace For Development (GFD), Vila-Verde, Díli.

MVF mak sai nu’udar  posizaun da-huluk ne’ebé sei iha prosesu hodi nia kompleta kritéria RCC nian liu husi produz programa sira molok sai hanesan membru voluntariu ativu ka jornalista RCC. Iha fulan Fevereiru 2020, Partisipa formasaun “Jornada Literasia Orsamentu kona-ba projetu OSAN POVU NIAN JERE HO DIAK” iha Embaixada Portugal, Díli.

Jornalista (MVF)

Membru Voluntáriu Formasaun


Veolante Fernanda Araújo Guterres, moris iha Viqueque, iha loron 12 Janeiru 1995, oan husi Pedro da Costa Guterres no Fernanda de Araújo. Oan ikun husi maun alin nain tolu, (mane ida no feto rua ). Hela iha aldeia Fomentu 1, suku Comoro, postu administrativu Dom-Aleixo, munisípiu Díli.

Hahu sai nu’udar membru voluntáriu formasaun (MVF) iha Radio Comunidade Comoro (RCC), iha loron 02 Fevereiru 2020. Envolve a’an iha RCC  bainhira  remata  estájiu prátika kona-ba jornalizmu rádio durante fulan 2 hodi kompleta formasaun teoria ne’ebé hetan husi Sentru Formasaun Haburas Dezenvolvimentu Talentu iha Aimutin, Dili.

MVF mak pozisaun da-huluk ne’ebé nia hahu hodi kompleta kritéria RCC nian, liu husi produs programa sira molok sai hanesan membru voluntáriu ativu (MVA) ka jornalista. Iha fulan Fevereiru 2020, partisipa formasaun “Jornada Literasia Orsamentu liu husi projetu OSAN POVU NIAN JERE HO DIAK” iha Embaixada Portugal, Díli.


Mário da Costa Soares, moris iha Lospalos, loron 09 fulan marsu tinan 1997, oan husi Orlando Lemos no Eva Amaral, iha maun alin nain lima, nu’udar oan ikun husi feto na’in ha’at (4). Hela iha Fatuhada, postu administrativu Dom Aleixo, munisípiu Díli.

Iha fulan jullu 2019 hahu envolve a’an iha Rádio Comunidade Comoro (RCC),  bainhira remata estájiu prátika konaba jornalizmu rádiu durante fulan rua (2), husi formasaun teoria ne’ebé hetan husi iha Grace For Development (GFD), Vilaverde, Dili konaba editing testu notísia jornal, TV, rádiu no mos parte tékniku nian iha área Cameramaen no aprezentador.

Hahu ho Membru Voluntariu Formasaun (MVF) iha RCC, mak sai hanesan pozisaun da-huluk hodi kompleta ‘kritéria RCC nian liu husi produs programa sira, molok sai hanesan Membru Voluntáriu Ativu (MVA) ka ka jornalista RCC. Hafoin kompleta rekejitus hirak ne’e durante fulan tolu (3), hahu servisu nu’udar jornalista no Aprezentador ba programa dedikatóriu no talkshow iha fulan outubru 2019.


Patrício Soares Belo, moris iha Baucau, 5 Jullu 1999. Oan husi Laurentino Correia Belo no Juvita da Silva Soares. Oan da haat husi maun alin mane nain lima. Hela iha Bairo-Pite, Postu Administrativu Dom-Aleixo, Munisípiu Dili.

Hahu sai nu’udar membru voluntáriu formasaun (MVF) iha Rádio Comunidade Comoro (RCC), iha loron 25 Juñu 2020. Patrício hahu hakbesik a’an ba RCC hafoin sai bainaka ba programa Talkshow rádiu iha 23 Juñu hodi ko’alia kona-ba esperiénsia ne’ebé nia hetan durante envolvimentu iha grupu Joven Ba Kristu (JBK).

MVF mak pozisaun da-huluk ne’ebé nia hahu prienxe hodi kompleta kritéria RCC nian, liu husi produs programa sira molok sai hanesan membru voluntáriu ativu (MVA) ka jornalista.