by

Inundasaun  fulan abril, estraga Natar hektares 150 iha Atabae  Kailaku 

Ba Jornalista sabadu nee Prezidente Autoridade Munisipiu Bobonaro hateten tinan ne’e Natar  hektares atus ida lima nulu mak hetan estragus iha postu administrativu Kailaku Munisipiu Bobonaro, tamba impaktu husi inundasaun ne’ebe akontese iha loron 4 fulan abril tinan ne’e.

Informasaun ne’e hatoo husi Prezidente autoridade munisipiu Bobonaro,Jeferino Soares dos Santos, ba Jornalista liu husi viatelefone sabadu 24/04/2021.

Tinan ne’e produsaun agrikola liliu produsaun hare Natar iha Atabae no Kailaku mak  estraga tamba inundasaun  ne’ebe akontese iha fulan abril tinan nee,“Hateten Jeferino Soares dos Santos.

Tamba ne’e Jeferino Soares rekomenda ba parte kompetente atu tau atensaun ba komunidade sira nia natar ne’ebe hetan estragus total husi dezastra natural ne’e.

Situasaun dezastre ida ne’e ami hato’o ona ba parte relevante atu fo apoiu ba komunidade sira nia natar neebe mota solur hotu,“Nia sujere.

Maski Tinan ne’e produsaun agrikola liliu produsaun hare’e nee diak tebe –  tebes  iha parte balun Kailaku no Atabae mak tamba inundasaun estraga natar atus ida lima nulu (150).

Jornalista: Herculano Gomes

Editor: fraga

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment