by

Vitíma dezastre naturais Uma kain 30 iha Suku Metiaut Hetan apoiu aihan husi HWI

(Díli)-Health wealth internasional(HWI) foti inisiativa rasik apoiu aihan nesesidade bázika ba abitantes ne’ebe  vitíma ba  Inundasaun  foin lalais ne’e  hamutuk uma kain 30 iha suku Metiaut Postu administrativu Kristu-Rei munisipiu Díli.

Responsavel  Asaun karitativa grupo Health wealth internasional Eugenia guterres do Rego espresa,  sentimentu solidadriedade ba maluk vitíma dezastre naturais ne’e, tanba nu’udar timor  oan, tanba ne’e mak Health wealth internasional ho inisiativa hodi apoiu aihan bázika ba komunidade afetadu sira.

ami husi HWI no ami  ho inisiativa  rasik mak halo asaun karidade ida ne’e,  hodi apoiu  ba ita nia maluk sira ne’ebé  mak foin lalais hasoru dezastre naturais,  la signifika katak ami riku liu, maibe nu’udar timor oan ami ho fuan ho laran, atu ajuda ita nia maluk sira hotu ne’ebe hasoru  situasaun ida ne’e , hodi bele hakman sira nia sofrementu.”Dehan Eugenia guterres  ba jornalista iha fatin asaun karidade metiaut sábado 24-4/2021.

Fuan osan  mean inan feton  Eugenia guteres  ho maluk feto sira halo asaun karidade ne’e  tuir forsa no kbi’it  ne’ebé  iha,  hodi tulun netik  vitíma  sira hodi hakman sira terus.

ami lori buat ne’ebé  mak tuir ami nia forsa no kbi’it  ne’ebé  mak ami iha  la barak maibe iha naton atu bele apoiu sira hodi hakman sira terus tanba ne’e  mak ami husi HWI hola desizaun ne’e.“Dehan lider  fuan osan mean ne’e.

Iha sorin seluk mos,  familia vitíma  dezastre naturais, Abita da Conceicão agradese  tebes ba Health wealth internasional ne’ebé  apoiu ona aihan bázika ba sira.

ami agradese tebes ba HWI nia apoiu ne’e, maske barak ka oituan ami simu.” Dehan  komunidade afetadu Inundasaun ne’e.

Iha okajiaun hanesan,  Delegadu  aldeia  Karumgulau suku Metiaut,  Armando  Correia, apresia tebes ho asaun karidade husi grupo  HWI, tanba bele sustenta ona komunidade sira nesesidade  lorloron.

ami nia bairu  ne’e  iha uma 13 mak hetan estragus  ou grave tebes husi dezastre naturais  foin lalais ne’e,  tanba ne’e  ami agradese  tebes ba kolega sira husi HWI ne’ebé  iha hanoin ida ne’ebé  furak, ohin mai  apoiu aihan ba   ita nia  komunidade sira hodi bele tahan netik sira nia nesesidade  lorloron nian.”Lider  lokal ne’e  haktuir.

Delegadu ne’e  ho familia vitíma dezastre naturais uma kain 13 dadaun ne’e  hela provijoriu iha kapela  Metiaut , hodi hein deaijaun husi governu  atu rekoperasaun  ba hela  fatin.

Ho nune’e  etapa dahuluk  Health wealth internasional(HWI) apoiu aihan nesesidade bázika hanesan fós ,mina , supermi inklui nesesidade  sira ne’ebé  uza ba loron-loron nian.

Health wealth internasional mós dehan, iha tempu tuir mai sei nafatin apoiu maluk sira ne’ebé  hasoru dezastre naturais,  tuir forsa no  kbi’it  ne’ebé  sira iha.

Jornalista : Oki Ganna

Editora: Donya Jeremias

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment