by

OPTT koleta batar hektares 6  iha suku uma ulun Ilimanu

Manatuto – Koperativa Organizasaun Popular Trabaillador Timor (OPTT), koleta tan batar hektares neen iha suku uma ulun Ilimanu munisípiu Manatuto kinta, 22/04/2021.

Prezidente Organizasaun Popular Trabaillador Timor (OPTT), Ivo de Jesus Siqueira,hateten Objektivu husi asaun koperativa nee atu motiva povu agrikultores sira nebe durante nee abandona sira nia toos no natar iha munisipiu sira, nunee  sira bele badinas servisu hodi hasae produsaun alimentar.

Objektivu husi koperativa ne’e atu motiva fila fali povu kiik sira ne’ebe durante ne’e abandona hela sira nia natar, sira nia to’os, hodi nune’e sira bele badinas fila fali halo fali toos halo fali natar inklui hakiak animal hodi nune’e ita bele hasae aihan rasik ba tempu naruk, nune’e maka ita bele kore depedensia ba rai liur,“dehan Ivo.

Prezidente OPTT akresenta atividade koperativa ne’e nudar modelu diak ida  hodi hatudu ba governu oinsa mak bele orienta povu agrikultores nain sira bele halo to’os no natar.

Ne’e modelu diak ida ba estadu ba governu povu tomak ne’ebe abandona ninia moris fatin to’os natar, diak imi nia liman tenki tama natar tama to’os inklui hakiak animal, hodi nune’e hasae kresimentu ekonomia rai laran no kore depedensia ba rai liur,”Nia Afirma.

Enkuantu Nia informa katak bainhira estadu no governu la mobiliza povu maka nasaun no povu ida nee sei nafatin kiak mukit no hamlaha.

Entretantu lider maximu OPTT nee rekomenda ba ministru agrikultura atu mobiliza povu sira halo natar no to’os inklui hakiak animal, nunee TL labele depedensia ba ekonomia rai liur.

Jornalista : Herculano Gomes

Editor: Fraga

 

 

 

 

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment