by

ONG Luta Hamutuk Husu Governu distribui sesta bázika, nakfila ba osan

Díli-Tuir Diretor ORganizasaun Naun Governamental( ONG) Luta Hamutuk José Alves da Costa hatete, distribuisaun sesta bázika, ba abitantes  ne’ebe mak to’o agora seidauk hetan ne’e, la’os emerjensia, tamba ne’e  diak liu  fo deit kada uma kain ne’e simu dólar Lima nulu(50)  transfere liu husi konta bankaria.

Distribuisaun sesta bázika,  sira ne’ebe mak to’o agora seidauk hetan ne’e, ne’e la’os emerjensia, maibe diak liu fo deit kada uma kain ne’e simu 50 dolar,  transfere liu husi konta bankaria Planu Nasional Dezenvovimentu suku( PNDS) ninian, atu nune’e husi xefi suku ho ninia membru sira mak fahe deit, ne’e mais fasil liu distansia sosial duke ba fahe hahan.“dehan diretor ONG Luta hamutuk Jose Alves ba jornalista sira iha Farol, Tersa ( 21/04/2021)

Sosiedade Sivil ninia propoin mak,  diak liu simu osan ne’e fasil liu, duke aranja material hahan husi Díli ba munisipiu,  tanba preokupa mos halibur ema barak wainhira koalia kona-ba serka Sanitária.

Hau hanoin ne’e la justu ida,  tanba politika ne’e ita rasik mak kontra ministru ida halo ninian ministru seluk mai kontra,  ita konsidera bainbain,  depois faila iha terrenu fo sala fali ba komunidade sira.” Nia dehan

Entertantu Nia afirma,   labele la’o ba mai tenke tuir prosedimentu oi-oin, taka ibun, labele kaer liman, labele besik malu, maibe distribui sesta bázika iha tempu pandemia nian,  ne’e mos kontrariu ho sira nia politika rasik kona-ba serka Sanitária.

Jornalista: Mário da Costa Soares

Editor/a: Donya

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment