by

EMAO husu ba PA RAEOA autoriza ro-ahi sukses hodi halo Movimentasaun

Dili- Estudantes Movimentu Atóni Oecuse (EMAO) ,ohin, liu husi komferensia impresa Porta Voz  Jecafriadu Côa husu  ba Presidente Autoridade ( PA)  RAEOA hodi autorija Ro-ahi sukses hodi bele transporta estudantes no komunidade Sira ne’ebe Mak atu Fila ba munisipiu.

Husu ba Prezidente Autoridade RAEOA, hodi fo autorizasaun imediatemente ba roahi Sukses hodi bele transporta estudante no komunidade sira ne’ebe mak atu halo viagem fila ba Oe-Cusse, atu labele hanaruk estudante no komunidade sira nia sofrementu iha situasaun difisil nee nia laran”, porta-voz Jecafriadu Côa rekomenda ba Presidente Autoridade iha edifisiu Zeesm farol Dili, 21/04/2021.

Porta Voz ne’e mos husu ba Autoridade husi Intituisaun Governu nian neebe iha komptensia no trata assuntu movimentasaun transporte publiku maritima nian, atu toma atensaun no investiga Autoridade Aportil no operador ro-ahi Sukses nian.

Husu Autoridade husi Intituisaun Governu nian neebe iha komptensia no trata assuntu movimentasaun transporte publiku maritima nian, atu toma atensaun no investiga Autoridade Aportil no operador ro-ahi Sukses nian ne’ebe mak la halao sira nia servisu tuir orariu normal hodi rezulta estudante no komunidade sira tenke sofre iha loron 10 no 16 de Abril 2021″, Nia husu.

Nia afirma Tan Movimentu Atoni Oe-Cusse  Nia  esperansa hodi hein intervensaun Prezidente Autoridade RAEOA no autoridade komptente atu solusiona preokupasaun estudante no komunidade sira ne’ebe mak atu halo viegem fila ba Oe-Cusse.

Entertantu  Jecafrado akresenta Movimentu Atóni  Oe-cusse sei kontinua levanta kazu ne’ wainhira parte kompetente lá hatan Preokupasaun refere.

Movimentu Atóni Oe-Cusse, fo ami nia esperansa hodi hein intervensaun Prezidente Autoridade RAEOA no autoridade komptente atu solusiona preokupasaun estudante no komunidade sira ne’ebe mak atu halo viegem fila ba Oe-Cusse, hodi nune’e bele kore-an ho hamlaha, no sofrimentu ne’e rasik. Se  laiha intervensaun hodi solusiona mak Movimento Atóni OeCusse sei kontinua levanta kazu ne’e ba oin iha semana tuir mai”,Nia hatutan.

Jornalista : Mário da Costa Soares

Editor: Fraga

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment