by

Ciprianu:  Estudu online fó impaktu, osan laiha atu sosa pulsa

Díli– Estudante Cipriano Da Silva ne’ebe daudaun ne’e hala’o nia estudu iha Universidade Nasionál Timor-Lorosa’e (UNTL),  hato’o nia prokupasaun katak nu’udar estudante senti ladun diak ho prosesu aprendisajen ne’ebe la’o, liu husi online deit, tanba estudante barak mak hela ho familia, maske nune’e ,  iha situasaun difisíl hanesan ne’e, susar ba sira hodi hetan osan, atu  sosa pulsa hodi asesu ba estudu online refere, informasaun ne’e relata ba jornalista Rádiu Comunidade  Comoro, segunda 19/04/2021.

Senti ladun diak, bainhira ami nia prosesu aprendisajen la’o liu husi online deit, tanba ami estudante barak mak hela deit ho familia, entau susar ami atu hetan osan hodi sosa pulsa, no iha situasaun serka sanitária ami buka osan iha ne’ebe.”Dehan Ciprianu Da Silva ba jornalista Rádiu comunidade Comoro iha Lecidere, segunda 19/04/2021.

Tanba ne’e estudante Ciprianu  husu ba governu hodi hapara ona serka sanitaria, nune’e sira bele hala’o fali estudu ho normal.

To’o notisia ne’e fó sai, jornalista radiu  komunidade komoro seidauk halo  konfirmasaun ho parte Universidade kona ba asuntu refere.

 

Reportajen, Donya Fernandes  Jana Brites

Editor: Rcc

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment