by

Unijma Ativista Pro -RDTL, koleta batar hektares,14 iha Baukau

Baukau  – Uniaun Nasional Juventude Maubere(UNIJMA Ativista Pro – RDTL), koleta batar hektares sanulu resin haat (14),  iha aldeia 28 novembru  suku Laisorulai Kelikai  munisipiu  Baukau Sabadu, 17/04/2021.

Alende ne’e Prezidente Organizasaun Popular Trabaillador Timor (OPTT), Ivo de Jesus Siqueira esplika  Objektivu halao koperativa ne’e atu  kombate hamlaha no kiak iha nasaun RDTL, tamba politikamente  Timor – Leste ukun rasik an ona, maibe  ekonomikamente  Timor Leste seidauk ukun rasik an, tamba  Timor – Leste nia ekonomia sei dependente liu ba produtu importasaun  husi rai liur.

“Ami koiletan tan batar  hektares 14 iha aldeia 28 novembru  suku Laisorulai postu administrativu Kelikai  munisipiu Baukau, obejektivu halo koperativa ne’e Republika Demokratika de Timor Leste nudar estadu soberanu, nune ita tenki dezenvolve ita nia ekonomia rasik, maibe realidade oin seluk fali. Politikamente ita ukun rasik aan maibe hare husi aspeitu ekonomiku ita seidauk ukun a’an, “tamba sa”, tamba timor leste ida nee parazita fali ba  ema nia ekonomika , aproveita fali ema nia rejultadu fali,  tamba ita nia poder ekonomia iha rai balun fali, tamba ita hadau malu ninia rejultadu iha timor leste ida ne’e nudar modelu diak tebes,”nia informa.

Enkuantu Prezidente OPTT ne’e sujere ba  Governu atu labele hadau malu deit Aproveita rejultadu husi nasaun seluk sira mak ,governu presiza banati tuir ezemplu asaun koperativa Unijma nian neebe mak hatudu ona iha teritoriu nasional, nunee povu sira labele ho hamlaha hakilar bebeik governu.

Nia dehan  rejultadu husi koperativa ne’e balun rai hela ba fini, no balun fa’an hodi hetan rendimentu no balun sira konsumu ba han hodi halo atividade koperativa sira.

Entretantu Produsaun husi koperativa nebe mak Membru Unijma sira koleta ona  nee Kada sentru  neebe eziste iha teritoriu nasional nee rai iha kada armajen iha  sentru populares.

Tan ne’e  masas organizasaun ne’e mos rekomenda ba estadu no governu atu labele tane liman deit ba nasaun sira seluk nia apoiu, maibe oinsa mak estadu no governu rasik bele orienta nia povu atu halo to’os no natar inklui hakiak animal, nune bele kontribui ba ekonomia nasaun.

 

Jornalista  :Herculano Gomes

Editor         :Eryck Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment