by

OPTT, husu povu iha Díli, fila ba munisípiu halo toos, natar

Baukau  –  Organizasaun Popular Trabaillador Timor (OPTT), husu ba povu husi rejiaun 13 ne’ebé mak hela iha Díli atu fila ba ida idak nia munisípiu hodi halo toos, natar, inklui hakiak animal nune’e labele hamosu klase kiak no klase riku iha rai ida ne’e .Hateten Prezidente OPTT Ivo de Jesus Siqueira, ba Jornalista bainhira koleta batar hektares 14,  iha suku Laisorulai, munisípiu Baukau  Sabadu, 17/04/2021.

Timor Leste labele ezisti fali klase riku no klase kiak tamba sa, iha grupu balun neebe mak kaer poder iha leten maka moris diak,  iha uma diak, iha ropa diak, iha kareta luxu hetan osan barak ahh kuitadu, povu maioria  ne’ebé mak iha Timor Leste sai fali kiak, mukit, hamlaha, ninia oan asesu ba edukasaun ladiak. Nune alerta dala ida tan ba Timoroan hotu hotu  neebe husi rejiaun sanulu resin (13),  neebe hela iha sidade Díli fila ona ba Baukau, Vikeke, Lospalos, Same imi tenki ba,fali moris fatin. Ermera, Bobonaro no Oe-kusse  imi tenki fila ona ba moris fatin, imi nia liman tenki tama toos, natar inklui hakiak animal ne’e mak fo benefisiu ba ita, nee mak bele fo rejultadu ba ita hodi nune’e ita bele hametin RDTL nia soberania aihan, atu kore dependensia ba rai liur no harii ita nia  seguransa alimentar iha RDTL,”Nia hakotu.

Nia dehan  rejultadu husi koprlerativa nee balun rai hela ba fini, no balun faan hodi hetan rendimentu no balun sira konsumu ba han hodi halo atividade koperativa sira.

Entretantu Produsaun husi koperativa ne’ebe mak Membru Unijma sira koleta ona  ne’e Kada sentru ne’ebé eziste iha teritoriu nasional nee rai iha kada armajen iha  sentru populares.

Tan ne’e rekomenda,ba estadu no governu atu labele tane liman deit ba nasaun sira seluk nia apoiu, maibe oinsa mak estadu no governu rasik bele orienta nia povu atu halo toos no natar inklui hakiak animal, nune’e bele kontribui ba ekonomia nasaun.

Jornalista :Herculano Gomes

Editor       :Eryck Gomes

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment