by

Vitíma inundasaun iha eskola12 de outubro halerik ba nesesidade bazika.

Díli- Vise fokal point Gole Silveira,ohin, iha fatin refujiadu eskola 12 de outubro ba jornalista radio comunidade comoro(rcc) informa durante vitíma inundasaun sira evakua ba iha eskola 12 de outubru, hetan mos autorizasaun husi ministeriu da edukasaun no refujiadu hirak ne’e nia sasan uma laran be’e lori hotu, no sira sei preokupa hela ba kulsaun ne’ebe mak atu toba.

“iha sira nia preokupasaun sira hotu-hotu nia preokupasaun katak liu tiha semana ida uma balun ne’ebe mak be’e tama,maibe homan deit komesa atu fila,maibe sira hotu-hotu nia preokupasaun iha ne’e atu fila ne’e mak ba uma sana tein teb-tebes mos laiha be’e lori hotu, tasu oan be halo modo nian mos be’e lori hotu pior liu tan mak kulsaun husi bebe nian to’o ema bo’ot nian totalmente be’e lori hotu”, dehan gole

Vise ne’e  rekomenda ba governante sira atu forma ekipa ida hodi tun baze halo identifikasaun ba familia vitima indunsaun sira nune bele hetan dadus ne’ebe konkreta.

“bom hau hanoin katak ema hotu-hotu halai ba fatin deslokadu sira ne’e signifika katak katak ema ne’e grave teb-tebes, hau nia rekomendasaun ba governu tenke halo levantamentu ida ho ekipa i direitamente ba iha baze atu nune sira bele hatene se ita ba deit informasaun ba iha publiku deit mak mai ida ne’ebe hela iha fatin deslokadu maka fo ninia dadus mas sira iha neba ne’e husik ema ida la dehan nia kondisaun ne’e oinsa oinsa, entaun hamosu fali desentendementu entre ida ne’ebe iha fatin deslokadu no hela iha uma”, gole akresenta

Gole salienta liu tan durante iha fatin deslokadu unicef maka fo ona apoiu kulsaun hamutuk rua nulu resin hat (24) ba inan isin rua no bebe sei susu.

“sim unicef maka fo ona ajudu ba inan isin rua no mos bebe sei susu sira lori ona kulsaun hamutuk rua nulu resin hat iha altura ne’e kedas ami destribui kedas ba inan isin rua sira ema nain lima ho mos bebe sei susu hamutuk ema rua nunu rein ida sira ne’e de’it mak sei hetan sira seluk ne’e seidauk bele hetan i kolega ngo balun laos ngo sira juventude grupo voluntariu balun mai hare kondisaun hirak ne’e sira nia kbi’it ne’ebe iha lori tan nen mai, maibe ami seidauk bele destribui ba sira, tamba ho montante ne’ebe ki’ik se ita fo de’it ba ema balun de’it entaun orsida sira kestiona buat lubuk ida”,Gole salienta liu tan

Xefe familia ne’ebe evakua ba fatin deslokamentu eskola 12 de outubru hamutuk atus ida hitu nulu resin hat (174) no abitantes hamutuk atus walu tolu nulu resin nen (836), tuir observasaun jornalista Radio comunidade comoro (Rcc) katak ema hirak ne’ebe maka iha fatin deslokamentu eskola 12 de outubru balun laiha kulsaun atu toba no nahe de’it kaisa mamuk hodi toba.

Jornalista: Nelson Fraga

Editor       : Fraga

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment