by

Unijma koleta batar hektares lima, iha suku Beco

Kovalima – Uniaun Nasional Juventude Maubere(UNIJMA Ativista Pro – RDTL), koleta batar hektares lima (5),  iha aldeia Maukola suku Beko postu Suai munisipiu  Kovalima sexta, 16/04/2021.

Ba Jornalista Sexta nee Prezidente Organizasaun Popular Trabaillador Timor (OPTT), Ivo de Jesus Siqueira hateten politikamente realidade Timor – Leste ukun rasik an ona, maibe  ekonomikamente  Timor Leste seidauk ukun rasik an, tamba  TL   nia ekonomia  dependente liu ba produtu importasaun husi rai liur.

“Ami koiletan tan batar  hektares lima iha aldeia Maukola suku Beko postu administrativu Suai munisipiu Kovalima nee laos knuuk ba impreralismu no kolonialismu, maibe nia baze mak agrikultura ho nunee povu ida ne’ebe mak hamutuk ho trabaillador sira, ohin konsentra ida nee iha fatin ida nee   halo natar halo toos inklui hakiak animal ida nee hodi bele kontribui ba nia nasaun no governu. Labele lor loron fulan fulan tenki  tane liman hela deit ba rai liur ka,sosa sasan iha rai liur nee sala nee mak realidade hatudu momos hanesan iha emblema nasional batar fulin hare fulin nee hetan iha emblema nasional, nune politikamente realidade Timor – Leste ukun rasik an ona, maibe  ekonomikamemte  Timor Leste seidauk ukun rasik an, tamba sa, tamba ita dependensia liu ba sasan importasaun husi rai liur,”Katak prezidente .

Tan nee rekomenda,ba estadu no governu atu labele tane liman deit ba nasaun sira seluk nia apoiu, maibe oinsa mak estadu no governu rasik bele orienta nia povu atu halo toos no natar inklui hakiak animal, nune bele kontribui ba ekonomia nasaun.

Patisipa husi koleta batar nee membru unijma sira iha suku Beko postu Suai Villa munisipiu Kovalima.

 

Jornalista  :Herculano Gomes

Editor        :Eryck Gomes

 

 

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment