by

Funsionarius Frontline iha Aeroporto simu ona, vasina Astrazeneka

Díli – Funsionario iha Aeroporto Internasional nikolau lobatu inklui polisia  nasional timor leste  no unidade Polisia  fronteira destaku iha aeroporto  simu ona  vasina Astrazeneca husi pesoal saúde  hodi bele aumenta imunidade pesoal nune’e   proteje   a’an husi moras surtu covid-19 ne’ebe mundu tomak  infrenta  to’o  ohin loron.

Presidente   Agensia Nasional Avisaun Timor-Leste,Empreza Publika (ANATL-EP) José  trindade da cruz pinto imforma funsionariu  tomak iha ANATL ne’ebe ministeriu saúde  no organizasaun saúde mundial  konsidera  funsionariu aeroportu hasoru risku a’as durante halo atendementu  ba ema tama no sai iha timor leste.

“sim ita nia funsionariu sira iha aeroporto ka  stake older sira ne’e  konsideradu hanesan Frontliner katak ema sira ne’e  mak iha linña oin para halo  atendementu  ba ema tama tama no sai tanba ne’e  mk Ministeriu saúde  no organizasaun saúde mundial  konsidera  ema hira ne’ebe  Servisu  iha aeroporto  ne’e  risku a’as ba virus corona.”

“tanba ida ne’e  mak kuandu  ita nia governu  hatama  ona ita nia rain funsionariu ANATL hetan kedas oportunidade primeiru atu hetan vasina ida ne’e  hodi nune’e bele hasa’e ita nia imunidade hodi bele hasoru ka kontra virus ida ne’e.” Deshan Presidente  ANATL ba jornalista sira iha aeroporto sesta 16-4/2021.

“Hau apela ba funsionariu hotu hotu atu idak idak bele mai ne’e  la obriga ami la obriga funsionariu tomak atu mai ami fo tanba antis ne’e  ministériu saúde halo ona sosializasaun i ohin ami hetan oportunidade  atu vasina  ba ami hotu tanba  hau nudar presidente  hamrik iha oin hodi hatudu ezemplu ba funsionariu sira hodi bele mai simu tratamentu  ida ne’e.” tenik Nia.

Enkuantu Presidente  ANATL ne’e  esplika “iha planu ohin ne’e  kuaze 50 ital maibe depois de lista iha ne’e seluk mai tan ou (kesedarang foin mosu) hare katak  buat ne’e  diak la iha risku entaun emaa aumenta tan.”

Hafoin simu  vasina Presidente ANATEL sente orguillu tanbe hetan ona seguransa ba nia parte nune’e  bele hasai imunidade  hodi kontra virus corona.

“Psikolojiamente hau sente kontente tanba bele hetan ona seguransa ida bele proteje no ajuda hau hodi kontra virus ida ne’e,”Presidente .

Iha sorin seluk funsionariu  ANATL Mario ximenes  ho idade 42 sente apresia ho vasina ne’e  tanba bele proteje husi virus ne’ebe  mak dadaun ne’e  mundu tomak  hasoru.

“Hau sente  tuir hau nia hare foin primeira  vez hau simu vasina ida  ne’e hau sente buaT hotu diak laiha problema no mosu reasaun ruma ba hau i hau sente daik tanba bele proteje hau liu liu virus ne’ebe  agora iha mundu tomak tanba ne’e  mak aproveita kedas hodi bele salva ita nian a’an,”apresia mario.

Entretantu siaddaun sira ne’ebe  simu vasina  iha Aeroporto  Internasional nikolau lobatu mak hanesan  fusionariu ANATL Polisia nasional timor leste no polisia unidade fronteira ekipa pertmina , funsionariu diresaun karantina no seluk tan.

Presidente  ne’e husu funsionariu hotu atu bele hola parte  iha vasina ne’e  maibe la obriga.

Jornalista :Herculano Gomes

Editor    :Eryck Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment