by

Tempu Badak  Pista Aeroporto Baukau  sei hahu halo rehablitasaun

(Dili)- Embaxador estadus unidus amerika (EUA) ba Timor Leste  Kevin Blackstone komfirma posibilidade tinan  ne’e  sei hahu halo rehablitasaun ba aeroportu (kampu aviasaun) Baukau.

Kevin Blackstone  hato’o  asuntu ne’e hafoin hasoru malu ho Ministru Defesa Filomeno paixão iha kuartel geral Falintil Forsa defesa timor leste (F-Fdtl) fatuhada  ne’ebe  deskute  kona ba planu EUA atu apoiu militar  timor leste nian.

“ami mos halo diskusaun  kona ba  Timor leste  nia pedidu no estadus unidus Amerika nia aprovasaun ba rehablitasaun kampu aviasaun Baukau no sei fo mos komponente aero ida ba Timor Leste hodi kontrola nia area maritima.” Imforma Embaxador EUA Kevin Blackstone ba jornalista iha fatuhada sesta 9-4/2021.

Embaxador EUA dehan dadaun nia parte ho gabinete vice-primeiru Ministru  halo hela diskusaun  ba liaguajem ne’ebe  atu hakerek iha dokumentus hafoin finaliza bele avansa ho planu rehablitasaun kampu aviasaun.

“hau nia embaxada  ho gabinete  vice primeiru Ministru  nian halo hela diskusaun atu finaliza liaguajem neebe sei hakerek iha dokumentus ne’e i depois bele avansa ho planu rehablitasaun kampu aviasaun.”

 

Kevin Blackstone  dehan ” hau espera  katak ida ne’e  bele akontese iha tempu badak nia laran no vice Primeiru Ministru  fo hatene mai hau katak ida ne’e  mos prioridade no sei akontese iha tempu  badak.”Dehan embaxada EUA.

 

Alemde ne’e Ministru Defesa Filomeno paixão  fundamenta rehablitasaun kampu aviasaun Baukau prontu  iha kualker tempu  tanba servisu barak ne’ebé  fo foka liu ba area Militar.

“Ba iha aeroporto baukau sira prontu iha kualker tempu ita atu hahu solusiona i servisu bara barak ne’ebe  fo liu liu iha area militar.” Dehan MD Filomeno paixão.

 

Antes ne’e  governu  Estadus unidus Amerika mos promete ona katak sei apoiu orsamentu  millaun $10 ba projeitu rehablitasaun kampu aviasaun Baukau  no sei oferese  aviaun ida ba povo timor leste  hodi kontrola nia area maritima no rikusoin timor leste  nian.

 

Jornalista :OKI GANNA

Editor: RCC

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment