by

Aplika eskola online, hamate estudantes sira nia vontade atu estuda

Dili  –  Preokupasaun nee aprezenta husi Diretor Eskola sekundariu Jeral 10 dezembru Komoro Dili Domingos Savio ba jornalista liu husi vitelefone kuarta feira 07/04/2021  hateten governu aplika eskola online  nee hamate  deit estudantes sira vontade atu estuda.

Diretor Esplika“Se kuandu situasaun nee hanesan nee nafatin para depois estudantes sira ne tinan tinan aplika estudu online hau senti ida nee la fo vantajen liu ba estudantes sira no ba profesor sira se aplika hanesan nee  estudantes sira tama iha gaiola tamba saida kuandu ita  aplika estudu online agora ezemplu iha kasnafar agora dadauk  eletrisidade nee la lakan tiha ona durante  semena resin ona nee, primeiru segundu linha internete mos ladun diak iha ne’e halo nusa maka estudantes barak maka  hela iha kasnafar ne’e bele  asesu no estudu online ne’e  difisil teb  – tebes no hamate estudantes sira vontade atu estuda ita bele dehan kualidade eskola ne’e laiha liu  nia kuantidade ne’e barak maibe nia kualidade laiha liu ,tamba ita  buat ida bee estudu online  ne’e diak liu lalika aplika,”  Hateten Domingos Savio.

Tamba nee responsavel eskola nee mos sujere ba ministeriu edukadaun atu labele aplika eskola online ba estudantes, tamba estudu online  nee nudar meius  ida neebe la fo vanrajen ba estudantes sira.

“Hau husu ba sua eselensia ministru edukasaun  buat ida bee estudu online lalika aplika se kuandu estudu onlinee hanesan nee nafatin  diak liu hapara tiha estudantes sira bainhira mak atu eskola nee ba eskola deit ita tenki hanorin esplika  nia hatene mak foin bele ezame mais kuandu estudu online mak fo deit valor,”

Maski nunee husu ba governante sira diak liu reativa fali prosesu aprendizajem nunee professor sir abele hanorin sira,tamba liu husi linha online nunka estudantes sira atu komprende  kona ba material eskola sira.

 

Jornalista :Herculano Gomes

Editor      :Eryck Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment