by

Uma barak hetan estragus husi dezastre natural iha suku Hera

Dili  – Akontese udan  no anin boot hahu husi sabadu too domingu 04/04/2021 rejulta komunidade sira nia uma barak hetan sobu no estraga inklui  natar no toos iha suku Hera domingu horseik, akontesementu nee akontese tamba prosesu narureza neebe mak ema hotu la espera.

Hafoin akontese udan no anin boot xefi suku Hera Antoninho Informa, husi dezastre naturais nee mota sobu komunidade sira nia uma  toos no natar.

“Hau hanoin informasaun detailu hau seidauk simu maibe komunidade informa hau katak inundasaun estraga uma barak, ami tenta diretor obras publikas mos telemovel mate hela, kona ba uma rahun hotu no komunidade hela besik mota ninin nee hamutuk xefi familia hitu nulu resin kompostu husi aldeia tolu hanesa aldeia mota kiik sukaer laran no ailoklaran,”Katak Antoninho.

Iha sorin seluk Juventude Nemezio João da silva nebe hela  suku Hera informa katak komunidade sira nia uma no toos hetan estragus hotu husi mota,tamba udan makas nebe  akontese.

Tamba nee lider autoridade komunitariu suku Hera nee rekomenda ba governu atu fo apoiu urjentemente ba komunidade afetadu husi dezastre naturais nee,tamba komunidade barak mak lakon uma no aihan sira .

 

Jornalista  :Herculano Gomes

Editór         :Gomes

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment