by

Ho matawen família saleziánu Dom Bosko despede ikus ho eis-frater Alcino

Díli 08 abril 2021 – Família bo’ot  kongregasaun  saleziánu Dom Bosko komoro despede ikus ho matebian eis frater Alcino Cristivão  Quefi ne’ebé  hakotu nia iís  iha loron 4 fulan abril tinan ne’e  tanba kauza husi inundasaun udan no anin bo’ot  iha semana  kotuk hodi rejulta rai monu hanehan matebian iha area rai-hun Suku komoro postu administrativu Dom aleixu.

Matebian  nia isin mate durante loron ha’at   rai iha mortuariu ospital nasional guidu valadares hodi hein prosesu trata dokumentus Guia da marsa husi sentru integradu jestaun krizi (SIJK) molok lori ba nia moris fatin iha suku lavateri postu administrativu Baguia munispiu Baukau.

Iha serimonia venerasaun ikus hamutuk ho padre madres no saleziánus sira iha kapela Dom Bosko  komoro Vigariu Provinsial Timor leste  Padre Manuel Pinto SDB hateten  loron ikus hamutuk ho matebian alcino tanba komgregasaun saleziánu Dom Bosko mak nudar uma mahon daruak iha nia estudu no vokasaun durante moris ne’e.

“ami hato’o  ami  nia laran susar no sentido profundas no kondolensia ba família matebian Alcino Cristivão  Quefi molok atu lori nia isin mate ba baukau ohin ita lori nia mai to’o  iha ne’e  tanba fatin saleziánu Dom Bosko Komoro  hanesan  uma mahon daruak ba nia nia estudu no vokasaun tanba ne’e  ami agradese  ba nia kontribuisaun ne’ebé  durante hatudu  iha nia moris iha tinan tolu nia laran.” Dehan vigariu provinsial Timor Leste  Pe.Manuel pinto iha kapela dom bosko komoro  kinta 8/04/2021.

Iha biban ne’e  mos Reprejentante família matebian  Sabino perreira hato’o  agradese  wain ba komgregasaun saleziánu Dom Bosko Komoro  ne’ebé  apoiu trata dokumentus  guia da marsa hodi translada matebian ba nia moris fatin tanba Timor iha hela serka sanitária.

“Hau nudar nia tiu lori família nia naran hato’o  agradese ba ita boot sira hotu ne’ebé  mak durante hein nia isin mate iha hospital  no apoiu trata dokumentus  hotu ohin bele lori ona ba nia knua moris fatin.”Familia  agradese.

Matebian Alcino Cristivão  oan husi inan Ana Cesaltina Perreira no aman Domingos Kefi(Matebian) no oan Dahuluk husi maun alin na’in walu.

Matebian Alcino cristivão Quefi  ho idade klosan moris iha loron 8 fulan dezembru tinan 1994 iha suku Lavateri postu administrativu Baguia munisipiu  Baukau.

Matebian Alcino Cristivão  nudar eis frater  husi komgregasaun saleziánu Dom Bosko  komoro no iha tinan 2020 deside hakotu nia vokasaun  ho rajaun atu bele tau matan ba nia  inan ho alin tanba matebian ne’e  rasik nian aman mate ona.

Durante ne’e  matebian hala’o  nia knaar hanesan mestri hodi hanorin iha kolegio santu inacio de loiola kasait tibar iha munisipiu likisa to’o  hakotu iís.

 

Jornalista : Oki Ganna

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment