by

OSF fo salidariedade ba familia vitima mortal, dezastre naturais

Dili  –  Juventude Organizasaun Sagrada Familia (OFS), fo solidariedade ba familia vitima mortal husi  dezastre naturais nebe akontese iha Kapital Dili no munsipiu Sira seluk.Hateten Porta voz OSF Abrão Pereira  ba Jornalista sira iha Fatuada Dili Segunda, 05/04/2021.

Liga ba dahuluk juventude husi Organizasaun Sagrada Familia hatoo ninia solidariedade  ba familia husi vitima mortal ba inundasaun iha Dili, nomos iha timor leste, ami mos hatoo ami nia solidariedade ba familia nebe  afetadu tebes hanesan lakon sira nia sasan no uma sira hetan estragadu hotu husi dezastre naturais,” dehan Abrão Pereira.

Tamba nee  Juventude husi OSF nee enkoraja  dezenpeñu servisu governu  nian ho intensovamente halo atuasaun ba dezastre naturais nebe akontese iha teritoriu nasional.

Ami enkoraja governu intensivamente  servisu hodi halo atuasaun ba impaktu husi inundasaun  nebe mak foin dadauk akontese, husu ba governu ho urjentemente identifika ema hotu nebe mak afetadu husi inundasaun ida nee no tau matan ba sira,”katak porta voz.

Entretantu Juventude rejistensia nee mos sujere ba governu atu halo identifikasaun ba komunidade sira neebe mak afetadu ba rai naben iha Dili no munisipiu sira seluk.

 

Jornalista  :Herculano Gomes

Editór         :Gomes

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment