by

FMTL louva Oitavo Governu nia esforsu, prevene Covid -19 iha TL

Dili  – Front Mahasiswa Timor Leste (FMTL) sauda no louva governu da ualu nia esforsu ba prevensaun kontaziu Covid -19 iha Timor Leste

Asuntu nee fo sai husi  portavoz FMTL Isaias Soares ba Jornalistas liu husi komferensia ba Imprensa nebe halao iha  Edifisu Fongtil Kaikoli Dili Sabadu, 03/04/2021.

  “Ba da huluk Front Mahasiswa Timor Leste hakarak sauda no louva esforssu sira VIII GK ba prevensaun sortu Covid 19, ho medidas Serka Sanitaria no konfinamentu obrigatoriu nudar meius jerais ba prevensaun ba sirkulasaun Virus covid-19 iha Munispiu Dili,”Hateten portavoz.

Ho ida nee portavoz FMTL ne mos apresia servisu Polisia Nasional Timor Leste (PNTL) nebe esforsu makaas hodi impoin no regras ba protokolu saude nian, tamba  mundu preokupa liu ba peste nebe halakon ona ema nia vida iha mundu atu ida nee lakoi atense maka Timor Leste tenki halo prevensaun antes duke kura.

“Ami mos apresia autoridade siguransa ne’ebe esforsu makaas los hodi impoen regras orden protokullu tuir protokolu Saude mundial nian hodi evita moras aat daet no buras iha ita rain doben Timor-Leste. Tamba ita konsiente katak globalmente preokupa no konsidera Covid-19 nudar inimigu indivizivel ka ameasa mundial ne’ebe hamate ona ema tokon- ba tokon iha nasaun hotu iha mundu, ne’ebé dadaun ne’e tama ona iha Timor-Leste. kazu ne’e nudar kazu importadu husi frontera tereste mosu uluk iha Munisipiu Covalima, wainhira detekta katak kazu ne’e iha ona governu inplementa kedas Serka Sanitariu iha munisipiu Covalima inklui Bobonaru atu trava virus refere labele alastra ba Munisipiu seluk. Maske nune’e virus ne’e kontinua alastra ba Munisipiu Dili tanba sidadaun balun liu husi dalan illegal nomos legal, bainhira detekta katak kazu pozitivu iha ona, governu kontinua aplika Serka Sanitariu iha Dili ba dala 12,” katak Isaias Soares.

 

Husi situasaun difisil nee FMTL sujere ba governu atu kria sentru tolu ka haat iha dili hodi fasilita estudantrs sira halo Swap inklui sidadaun sira seluk nebe hakarak fila ba munisipiu seluk.

” Ami sujere atu kria sentru tolu ka hat iha Dili para fasilita teste ba Swab rest ba Estudante, Universitários/as no Comunidades hirak nebe origem Husi Munisipio seluk ne’ebé hakarak fila ba munisipiu , no bele loke komunikasaun ho autoridade sira ne’ebé estudante sira ne’e destina an ba iha Ambitu Estado Emergensia (Serca Sanitária no Confinamento Obrigatório) ,Ami rekoñese katak desizaun ida ne’e difisil duni tanba iha parte ida ita hakarak hapara propagasaun surtu ida ne’e maibé parte seluk mós ezije ita atu buka solusaun loloos. Nune’e, ami husu autoridade sira bele uza nafatin kanál ne’ebé durante ne’e ita iha tiha ona, ne’ebé hotu-hotu tenke hetan permisaun husi CIJC atu fasilita ita nian sidadaun hirak ne’e sai husi Dili, Ami MOS Hakarak Husu Ba autoridade sira atu atua situasaun tomak ho kalma. Masimu atensaun maibe rapida atu prevene situasaun Monu tama iha sirkuntansia ne’ebe ultrapasa ita nian kapasidade kontrolu nian. Ami mos enkoraja atu Governu no deputadu sira halo servisu alina ho statuta emerjensia ita nian Estadu nian. Labele Estadu mak emerjensia maibe atuasaun la emergensia entermus de apoiu nesesidade ba sidadaun sira ne’ebe presiza liu no vulneravel liu. Ami hanoin katak Rekomendasaun ne’ebé ami rekomenda maske iha risku maibé kompara ho la permite sira sai husi Dili ninian risku boot demais, bele provoka frustasaun, konflitu, hamlaha no bele de’it situasaun bele muda an ba iha disobidensia sosiál. Obrigado wain Kontinua Korajen, foti oin hateke nafatin ba oin, vitória sei pertense duni ba Povu ida ne’e,” Nia rekomenda.

Tamba nee enkoraja governu entidades estadu no governu hotu nafatin halao servisu tuir regra nebe iha hodi kombate moras corona virus iha Timor Leste.

 

Jornalista : Herculano Gomes

Editor        : Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment