by

EBF Uratlau kondisaun grave, tamba tinan sanulu, governu la tau atensaun

Manufahi – Eskola Ensino Baziku Filial (EBF), Uratlau  husi suku aitemua postu Turiskai munisplu manufahi  kondisaun grave tebes, tamba tinan sanulu ona governu la tau atensaun ba eskola nee.

Preokupasaun nee hatoo husi kordenador EBF uratlau Amaral da Costa Barreto ba Jornalista liu husi viatelefone  iha Turiskai kuarta, 31/03/2021.

Alende nee  kordenador  Amaral da Costa Barreto informa eskola filial uratlau infrenta problema kona ba  eskola nia kondisaun tamba  eskola  nee sala tolu mak  nia kondisaun aat ona.

Situasaun  nee akontese durante tinan barak ona no eskola nee rasik  hari iha tinan 2008  no too agora  governu la tau atensaun ba eskola refere. Alende problema ida nee eskola nee mos  menus livru, inklui profesor.

Alende preokupasaun,eskola nee preokupa kona ba fasilidade eskola hanesan laiha haris fatin no bemos iha eskola nee.

Tamba nee nia rekomenda ba governu liliu ba ministeriu edukasaun atu tau atensaun ba kondlsaun eskola nee tamba eskola nee tinan sanulu nia laran la hetan atensaun husi governu.

Entretantu eskola nee rasik hamutuk  ho nia sala tolu, estudantes hamutuk atus ida rua nulu(120)profesosr nain lima (5).

 

Jornalista : Herculano Gomes

Editór         : Gomes

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment