Díli – Sekretariu Juventude no Desportu (SEJD), bolu urjente lider organizasaun nain rua hodi halo enkontru kona ba kazu torturasaun joven nain rua iha Marinir foin lalais nee hodi buka solusaun ba aktus krimi nebe mak komete husi membru organiazasaun sira.
Asunto nee relata husi SEJD Abrão Saldanha ba,Jornalista sira iha edifisiu SEJD Lecidere Dili, 26/03/2021.
Hafoin remata enkontru ho lider organizaun rua nee Serkretariu estadu Juventude no Desportu Abrão Saldanha relata objektivu husi enkontru nee atu rona hanoin husi parte rua nee kona ba kazu neebe kazu asaltu malu atu oinsa mak bele buka solusaun ba asuntu nee.
Alende nee Profesor arte ritual hitu hitu ka sete sete Abilio Soares apela ba membru sira iha teritoriu nasional atu labele komete tan aktu ka violensia nebe akontese iha kapital Dili nune bele kria estabilidade nasional iha komunidade nia leet.
Tuir nia kazu nee rasik nia prosesu submete ona ba iha tribunal atu oinsa mak organizasaun rua nee bele responsabiliza ba aktus krimi hirak nebe komete husi membru sira.
Maibe bainhira akontese tan asaun krimi maka lider husi arte ritual sete sete Abilio Soares konsidera katak nee responsabilidade individu laos organizasaun,tamba organizasaun la autoriza atu komete asaun .aktus krimi sira.
Tamba nee nia apela ba membru sira iha teritoriu nasional atu tur hakmatek iha ida idak nia fatin hodi kontribui ba estabilidade nasional nunee halo prevensaun ba kontaziu Covid -19.
Enkuantu Prezidente Ikatan kera sakti (IKS), Silvestre Xavier Sufa haforsa tan katak husu ba membru IKS sira nebe namkari iha TL atu labele pratika aktu agresaun fizika nebe antes nee akontese ona,tamba tuir regra organizasaun la autoriza membru refere halo aktu hirak nee.
Tamba nee nia rekomenda ba membru IKS sira sira atu tur hakmatek no labele kria instabilidade iha rai laran,atu oinsa mak bele kria paz iha komunidade nia leet.
Jornalista :Herculano Gomes
Editór :Gomes
Comment