by

MAL Apoiu aihan Bázika Ba Estudantes Uatolari Oan Iha Kost Hamutuk 250

Díli  – 27/03/ 2021 , (RCC) – Movimentu Asukai Lorosa’e (MAL), ajuda nesesidade bázika  ba estudantes Uatolari Oan nébe hela iha dili, Liu-liu ba sira ne’ebe mak hela iha “Kost”, ligadu ho serka sanitária,estudantes ne’ebe hetan apoiu ne’e hamutuk atus rua Lima nulu(250), iha faze darua no  faze da uluk hala’o ona iha sábadu semana kotuk estudantes hamutuk walu nulu (80).

Enkuantu Tuir Presidente Movimentu Asukai Lorosa’e (MAL), Justinho Sopalo Ximenes hateten, inisitiva hodi fo  apoiu ba estudante sira,  relaciona ho moras Covid-19, no serka Sanitária ne’e, inan, aman iha foho susar haruka osan, no hahan mai oan sira, tamba Movimentu transporte públiku la iha no loja balu mós taka, entaun oinsa sira bele hetan hahan ruma, ho nune’e ekipa MAL kordena   hamutuk ho veteranus,emprezariu, funsionárius Uatolari oan nébe hela iha dili, hodi fo  sira nia kontribuisaun, liu husi soe osan hamutuk, hodi sosa hahan bázika sira, nune’e fo ajudus ba estudantes Uatolari oan sira.

 

Razaun fundamentál, fo apoiu ba alin estudante sira ne’e, tamba Covid-19 no serka sanitária, entaun inan aman iha foho mós labele haruka osan no hahan, mai oan sira, ho nune’e ami ami hanoin katak, labele hein deit estadu no governu mak fo apoiu, maibe ita mós bele, tamba ne’e ami hasai rasik husi ami nia bolsu hodi soe hamutuk nune’e, presiza apoiu hahan bázika oitoan ba alin estudante sira atu bele hatutan netik sira nia moris iha ambitu serka sanitária ne’e,” nia dehan.

Entretantu prezidente MAL hakle’an, tan katak, sira planu ona, ba iha faze da tolu nian, maibe sira sei halo identifikasaun ba munisipiu ne’ebe mak merese hodi hetan apoiu refere.

Ami planu ona ba faze terseiru nian, maibe sei halo identifikasaun ba munisipiu nébe mak merese duni hodi hetan apoiu.” Tenik nia

Enkuantu hahan bázika nebe MAL oferese ba estudante sira mak hanesan, fós kilo Lima, supermi, masako, rinso hamutuk falun ida-ida iklui mina bimoli folin 50 cent nian ida, no fontes ne’ebe fo sira nia kontribuisaun, hahan no osan  mak hanesan, veteranos, emprezariu, funsionárius husi Uatolari oan.

 

Reportajen: Donya Fernandes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment