by

Juventude Luru Oan, fó apoiu estudantes ne’ebé hela uma aluga

Díli   –  Ba Jornalista Sabadu ne’e iha Sede Suku Motael Estudantes atus ida husi munisípiu Lautem Postu administrativu Luro nebe hela iha kapital  Díli, hetan   apoiu husi Juventude Luru oan iha Timor No estranjeiru, aihan ne’ebé estudantes hirak ne’e simu mak  hanesan fos supermi no mina.Hateten Antonio de Jesus ba Jornalista sira iha Sede suku motael Díli, 27/03/2021.

Apoiu hirak ne’e nudar asaun solidariedade ba malu durante situasaun Estadu Emerjensia no implementasaun serka sanitariu

Iha okaziaun ne’e  Prezidente asaun solidariedade Anotonio de jesus   hateten inisiativa halo asaun ba estudantes ne’ebe hela iha uma kos ka aluga, tamba sira infrenta problema  husi implementasaun serka sanitaria nune presiza ajuda malu iha tempu difisil nia laran.

Apoiu hirak ne’ebé ohin mai iha ne’e apoiu faze daruak ninian apoiu sira nebe antes ona ne’e inisiativa husi Luru Oan hotu hotu iha diaspora ka rai liu no sira iha Timor rasik, nune ohin loron ita realiza etapa primeiru hamutuk estudantes atus ida (100) ne’ebé hela iha uma aluga ka kos

Enkuantu Estudante husi UNTL Adida, Maria Goreta dos Santos Fernandes sente orguilu ho apoiu hirak ne’e  Maski  aihan hirak ne’e la sufisiente maibe  bele bele aguenta  ba loron ida ka rua.

“Nudar estudante Luru Oan ne’ebé eskola iha Universodade Nasional Timoro Lorosae (UNTL) sente orguilu ba maun sira neebe apoiu estudante Luru Oan nebe mak hela iha uma aluga ka kos, tamba ami atu ba munisipiu mos ladiak tama serka,sanitariu,” dehan Adida.

Enkuantu estudantes sira ne’ebé simu apoiu hirak ne’e husi ensino pre sukundario sekundáriu no ensinu superior sira iha kapital dili, apoiu nee rasik  realiza  ba faze daruak ona .

Entretantu Apoiu hirak ne’e simbolikamente entrega husi Mariano Asanami Sabino no Ozorio Florindu.

Jornalista  : Herculano Gomes

Editór         : Gomes

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment