by

Akademista UNTL, konsidera saude difisil identifika moras kroniku ho Covid -19

Díli – Akademista husi Universidade Nasional Timor Lorosae (UNTL) Fakuldade Siensias Sosiais no Politikas Camilo Xemes konsidera ekipa saude sira difisil atu identifika moras moras kroniku no moras Covid -19.Hateten Camilo Ximenes ba Jornalista liu husi Viatelefone Sexta, 19/03/2021.

Camilo hateten “Ita rona kazu pozitivu aumenta nee dala balun iha Baukau no mos iha Vikeke agora daet nee halo nusa, tamba nee mak ba hau difisil,ita sira agora dadaun nee liliu ita sira neebe la estuda kona ba saude nee, ida neebe mak Covid -19 no ida neebe mak laos Covid-19 ida neebe mak isin manas baibain ida neebe mak mear, nee mear ida neebe,mak kroniku nee moras ida neebe mak uluk kedas mosu, agora kuandu Covid nee iha no sira difisil atu identifika ida neebe mak moras kroniku no ida neebe mak moras covid -199,”dehan Camilo.

Alende nee Camilo Ximenes afirma kona ba kazu pozitivu nebe kada loron rejista aumenta nee hamosu duvidas deit ba sosiedade sira, tamba pozitivu nee mai husi neebe.

“Tuir saude sira dehan katak loron ida ba loron seluk kuandu ita akomapanha situasaun nee aumenta bebeik kazu pozitivu nee, Maibe iha momentu ida nee ita nia sosiedade hamosu mos duvidas barak perguntas barak relasiona ho pozitivu nebe aumenta quer dizer que ita hare katak iha loron ida,ba loron seluk nunka ida tun maibe ita lahatene problema nee pozitivu aumenta nee,mai husi nebe realidade ita lao tiha ona segundu serka sanitaria loron ida ba loron ida problema nee seriedade atu oinsa mak bele rezolve liliu saude sira,nebe difisil atu identifika ida nebe mak Covid -19 no ida neebe mak laos Covid -19,” tenik Ximenes .

Tuir nia katak ekipa saude sira tenki halo kordenasaun diak ho autoridade lokal sira nune sira bele orienta nia komunidade bele kontribui ba situasaun Covid -19 nee.
“Ita boot sira hare situasaun nee pur ezemplu iha Bairo pite ema barak mak koko teste masal, depois hare ida nee ida idak laiha nee que dize saida nee katak servisu entre saude no entidade sira liliu autoridade lokal atu bele orienta nia komunidade sira hodi kontribui ba covid ita hare buat ida covid nee mak halai ba ida nee hatudu saida,ida nee hatudu katak laiha seriedade oinsa mak ita bele kombate Covid -19 ita hanesan lufu lafu deit,” nia informa.

Tamba nee nia dehan parte saude laiha seridade atu kombate surtu Covid -19 neebe mak dadaun nee Timor -Leste infrenta hela transmisaun lokal,maibe oinsa mak ministeriu saude halo esforsu hodi kombate virus refere.

Jornalista :Herculano Gomes
Editór : Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment