by

MS relata preokupasaun públiku ba PM kona ba vasina astrazeneka

Díli – Ministra Saúde Odete Maria Freitas Belo halao enkontru ho primeiru ministru Taur Matan Ruak hodi relata servisu saude nian no preokupasaun publiku nian kona ba vasina astrazeneka.Hateten Odete Maria Freitas Belo ba Jornalista sira iha Palacio Governu Dili Sexta 19/03/2021.
Enkuantu Remata Enkontru ba Jornalista sira iha Palasiu Governu Sexta feira ne’e Ministra saúde Odete Maria Freitas Belo esplika relasiona ho preukupasaun publiku nian kona-ba vasina AstraZeneka, Governante nee dehan hili vasina astrazeneka nee laos Timor Leste mesak mak eskoila rasik , maibe apoiu husi Organizasaum Mundial Saude inklui ajensia neebe liga ho vasina refere.

Odete Esplika “ primeiru ita tenki hatene ema hira? Se ita vasina ema na‘in hira, hira mak mate hira mak moras? Segundu ba ita Timor, ita hili vasina Astrazeneka ne‘e Iaos ita mesak hili maibé liu husi apoiu Organizasaun Saude Mundiél (OMS) nian, UNICEF nian nomos ho ajénsia sira ne‘ebé liga ho vasina la‘os vasina Covid-19 nian de‘it maibé ba mos vasina seluk,To‘o tempu ida-ne‘e ha’u hanoin OMS seidauk fo informasaun ida dehan kona-ba vasina ninian efikasia, ninian efeitu aat ruma ba vasina ne’e seidauk , ami komunika ho sira, sira haruka karta formal ba ita dehan prontu to‘o agora seidauk hatete ba Timor ba Ministériu Saúde katak atu troka vasina seluk. Entaun ita kontinua nafatin halo preparasaun sekarik vasina ne‘e mai ami nafatin halo preparasaun atu ha|o vasinasaun,”Dehan Odete.

Ministra saúde nee informa katak dadaun nee sosializasaun kona ba atu simu vasinasaun nee lao hela no fo mos treinamentu ba pesoal saude sira ,tamba vasina refere sei too iha fulan marsu nee.

“Sosializasaun ne‘e ita Ia’o hela ha’u ko‘alia, ami promosaun saude sira hato‘o iha Ospital sira no agora komesa ho treinamentu ba pesoal sira ne’ebé mak atu fo vasinasaun ba ema. Kona-ba vasina mai iha Timor, ita espera katak primeira semana ou segunda semana depois 22 Marsu ne‘e ita espera katak ita bele hetan vasina. Ida-ne‘e ita-nia esperansa maibé buat hotu hotu ne‘e bele muda depende ba sira tanba sira-mos aranja hela aviaun ne‘ebé mak atu tula vasina mai no aviaun ne‘ebé tula vasina mai Ia‘os aviaun hanesan bain-bain dalaruma aviaun espesifiku ruma ne‘ebé ho nia fatin malirin no temperatura malirin buat sira ne’e hotu entaun UNICEF trata hela asuntu idane’e no kona-ba fatin ita Iaiha problema atu tau vasina,” Nia hakotu.

Nia dehan aviaun neebe mak atu lori vasina mai iha timor nee laos aviaun baibain,maibe aviaun espesifiku tenki fatin malirin no temperatura nebe diak.

Jornalista : Herculano Gomes

Editor : Gomes

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment