by

Akademiku: oknum Polisia halo agresaun fizika, tamba mal intende situasaun

Dili – Akademiku husi Universidade Nasional Timor Loro Sae( UNTL), husi Fakuldade siensias no politikas,  Camilo Ximenes konsidera oknum polisia ne’ebe halo agresaun fiziku hasoru pesoal saneamentu  munisipiu Dili iha Taibesi nee tamba  mal intende situasaun serka sanitariu.Hateten Camilo Ximenes ba Jornalista liu husi via telefone Sexta, 19/03/2021.

Akontesementu  nee akontese iha loron 18/03 iha merkadu Taibesi mais ou menus oras tuku haat madrugada .

Hau hanoin ita nia membru polisia sira nee balun servisu diak no balun lori fali nia,problema neebe mak iha situasaun sira agora,nee bele baku deit pur ezemplu ita nia membru polisia sira nee balun ladun komprende sira hanoin serka sanitaria nee so sira deit mak servisu sala boot ida mal intende situasaun,” Katak Camilo.

Tuir Camilo Ximenes afirma tamba deit laiha liña kordenasaun maka povu mak sai vitima ba situasaun serka sanitaria.

Tamba nee mak agora dadaun la iha linha kordenasaun sira husi saude nee mak situasaun nee sai tiha aat hanesan nee i afinal realidade hatudu katak ema hotu hotu hamlaha ona horikalan sai iha televizaun iha sede Renetil neebe mak ema halibur malu bar barak seguransa dehan labele lao maibe iha parte seluk halibur fali ema bar barak agora ida ne’ebe mak los realidade,hatudu polisia la kaer ema bar barakba iha sede Renetil neeba,halo fali agresaun fizika ba ema sira ne’e lalos no  la komprende situasaun nee,” Nia informa.

Ho nune’e akademiku nee sujere ba parte seguransa atu komprende didiak situasaun serka sanitaria nee , nune’e komunidade sira labele sai vitima ba aktu hirak ne’e.

Jornalista     : Herculano Gomes

Editor           : Gomes

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment