by

Ana Lucia : Munisípiu Tolu infrenta hamlaha, govenu tenki buka solusaun

 DILI    –   Relasiona ho surtu Covid -19 iha Timor Leste ne’ebé akontese ona transmisaun lokal  ba  iha munisipiu tolu   hanesan Díli ,Baukau , Vikeke tan nee governu  liu husi konselu ministru deside aplika serka sanitária  ba munisípiu tolu.

Tamba ne’e estudante fakuldade direito husi universidade nasional Timor lorosa’e (UNTL),  Ana Lucia Hornai Ferreira husu ba governu atu kria kondisaun diak ba povu  no kbi’it laek sira ne’ebé dadaun ne’e infrenta  hela hamlaha .

 “Serka sanitaria  ne’ebé governu aplika  ba munisipiu tolu, tuir hau nia hare  ida ne’e mak dalan diak  atu  hapara  kontaziu transmisaun  lokal covid19, maibe governu tenke kria kondisaun diak ba  povu kbiit laek sira iha munisipiu tolu tamba maioria populasaun neebé mak mukit hela ba  ai han” katak Ana Lucia.

Ho nune’e Nia husu ba populasaun sira atu nafatin kuidadu aan  hodi  prevene  husi virus covid19  no halo tuir nafatin  protokolu saúde    organizasaun mundial saúde nian.

 “Husu atu kuidadu an no halo tuir protokolo organizasaun mundial saúde nia , wainhira lao sai ba fatin públiko tenke uza maskra atu bele prevene a’an husi risku sira no prevene an husi virus corona, fase liman no uja maskra laos deit prevene án husi virus corona maibe prevene an husi moras seluk tan tamba ne’e tenke fase liman no uja maskra atu nune’e ita hetan  saúde neebé diak hodi moris saudavel liu tan” nia hakotu.

Tamba ne’e nia fo hatene ba maluk sira katak atu nafatin pratika protokolu saude nian, hodi nune’e bele halo prevensaun ba moras ne’e.

    Jornalista      : Oki Ganna

    Editor             : Gomes

 

 

 

 

 

 

 

  •  

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment