by

PNTL Esquadra nain feto, lakon tan membru polisia diak ida, Jaime dos Reis

Díli  –  Matebian Jaime dos Reis nu’udar membru  Polisia Nasional Timor Leste (PNTL) ne’ebe halao  servisu iha  esquadra nain feto munisipiu Dili, Jaime dos Reis hakotu is tamba moras tensaun.

Hateten Francisco dos Reis ba Jornalista iha Rezidensia Kampung Baru Comoro Díli Segunda, 15/03/2021.

Alende nee Tuir kronolojia oan mane bo’ot  Francisco dos Reis haktuir katak  iha dader oras tuku ha’at madrugada derepente nia mae  fo hetene ba nia oan dehan apa labele ona ,nune’e nia tama ba kuartu laran hodi hare nia pai nia kondisaun.

“Pai nia mate ne’e iha oras tuku haat dader hau hader mai, hau sai tama fali mai, pai mak sai fila fali ba hau mos tama tiha ba iha kuartu laran entaun pai ho mãe tama derepente deit mae hakilar dehan hanesan nee, imi rua nia pai labele ona, entaun hau ho hau nia alin rasik hakat tama ba pai sira fatin hodi hare rasik pai nia moras, nebe moras hakaas nia  hodi nune nia tahan is dada is too dader tuku lima pai hakotu nia is tui, hau nia hatene durante nee pai moras tensaun maibe moras seluk laiha maibe bainhira pai koalia barak entaun nia tensaun nee sae bele to’o dua ratus, tuir hau nia hatene primeiru sira lori ba ospital nee mos hanesan pai nia isin mate mak ba deit ona lolos nee pai hakotu is iha uma ne’e mak hodi hau la konsege ba to’o ospital antes nee hau hatene kedas be hau hein deit iha uma, tuir mai sira telefone mai dehan pai laiha,”dehan Francisco dos Reis.

Enkuantu Matebian Jaime dos Reis moris iha  munisipiu Bobonaro postu Administrativu  Bobonaro suku Lour Iha loron 01 fulan outubru tinan 1969.

Maibe Matebian Jaime dos Reis mos fo nia  kontribuisaun ba luta libertasaun nasional too ohin loron.

Maski nune’e Matebian hahu nia servisu nudar membru Polisia NasionalTimor Leste (PNTL),iha loron 04 fulan maio  tinan  2004 no iha loron 15 fulan marsu  tinan 2021 hakotu nia is iha mundu nee.

Enkuantu Jaime dos Reis husik hela nia kaben Fatima de Jesus Gomes ho oan nain nain hitu, feto ida no mane nain lima.

Nune’e   mos  oan kiak Francisco dos Reis ho laran triste, husu ba estadu no Governu atu nafatin tau matan ba sira tamba, lakon ona aman diak ida durante nee tau matan ba sira husi kiik too ohin loron.

Entretantu Lolos ne’e  familia matebian atu lori ba iha   fatin deknasa ikus moris iha suku  Lour munisipiu Bobonaro, hodi halo funebre isin mate  tuir lisan  rai ne’eba nian, maibe tamba situasaun serka sanitaria, familia deside   hodi hakoi iha Kampung Baru Komoro Díli.

Jornalista : Herculano Gomes

Editór        : Gømes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment