by

Inan Aman iha foho, preokupa oan iha Díli, han hemu saida

Ba Jornalista liu husi Via telefone Domingu, 14/03/2021, Anita da Costa Belo husi Aldeia Bualale suku Kaibada Postu Administrativu Kelikai Munisipiu Baucau sente preokupa makas ho situasaun Covid -19 nebe mak halo sira susar atu halo movimentasaun no asesu ba merkadu,tamba Governu aplika regra hodi bandu movimentasaun ema nian husi Díli ba munisipiu no husi munisipiu ba Dili, tamba nee nia preokupa liu ba nia oan sira iha Dili,tan nia lahatene sira nia oan han hemu saida durante serka sanitária iha Díli, tamba dalan sira taka total.

Anita hateten “Ami nia maluk sira nebe hela iha Kapital Díli oan sira ba eskola i alin sira ba eskola oinsa mak ami atu ba hare dalan taka ona sira mai la diak ami tun mos la diak i kona ba ami nebe iha area rurais ami atu lori aihan ba sira mos la diak tamba situasaun Covid -19 ami lao mos la diak hanoin oan sira mos la diak, oan sira mai atu foti hahan mos la diak dalan taka pasensia sira iha Díli oras nee sira han saida hemu saida ami inan aman lahatene tuir tamba ami iha foho,” katak Anita da Costa Belo.

Maski nune’e Anita da Costa Belo relata katak moras Covid -19 ne’e kuaze tinan ida resin ona, maibe sira sente duvidas ho Governu nia regras nebe aplika hodi taka hotu dalan nune ema labele halo viazem ba mai durante implementasaun serka sanitariu iha Díli, hodi evita transmisaun lokal nebe kada loron rejista kazu pozitivu aumenta.

Anita haktuir katak “Agora ita sente covid nee atu ba tinan ida resin ona, maibe iha hau nia sentimentu agora dalan taka buat hotu lao ladun diak , kona ba asesu ba servisu no merkadu taka hotu oinsa ami povu nebe hela iha area rurais ami nia aihan bele iha maibe ami atu lao ba neebe i masin masako mos ami buka ami ba neebe merkadu no loza sira mos taka, dalan mos taka, oinsa mak ami atu asesu ba aihan hodi bele moris,”dehan Anita.

Nia informa katak ho situasaun Covid 19 iha Timor -Leste nebe povu preokupa makas ne’e halo sira susar atu asesu ba merkadu no atividade servisu sira tenki paradu tamba moras refere nebe dadaun nee halakon ona ema barak nia vida iha mundu.
Maski nune’e iha Timor Leste akontese ona transmisaun komunitaria iha Sentru país Timor Leste nian no agora dadaun aktividade merkadu no servisu inklui progresu dezenvolvimentu paradu total.

Jornalista :Herculano Gomes
Editór :Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment