by

Ello Barreto: Governu Aplika serka sanitária, Implika ba povu nia moris Lor -loron

Díli – Juventude Ello Barreto hela iha Kampung Baru Comoro Díli, konsidera Governu implementa aplikasaun regras serka sanitária iha munisipiu Díli, implika makas ba povu nia moris lor loron,tamba povu maioria hetan husi negósiu no servisu seluk.Hateten Ello Barreto ba Jornalista iha Kampung Baru Sabadu, 13/03/2021.

Nia dehan ” Tuir hau sente buat hotu saida mak Governo implementa ita hotu kumpri maibé Governo mos lalika dukur katak implementa serka sanitária ne’e fó implika mos ba povo nia moris Iorloron hanesan vendedor sira faan modo no mos transporte ne’ebé mak tula pasajeiros husi municipiu mai Díli i taksista sira tamba sira nia rendimento ne’e mai husi ida ne’e, entaun Governu urgentimente ho implementasaun serka sanitária iha Díli Iaran ne’e bele mos afeita ba ita hotu nia moris Ior- Ior liliu nesesidade bazika, ne’ebé hau sente susar oituan,” Informa Ello Barreto.

Entretantu Ello Barreto sujere ba Governante sira atu tun diretamente ba terenu hodi observa kondisaun no situasaun ne’ebé komunidade sira hasoru durante periodu kursial ne’e,nune’e bele hatene povu nia halerik no ejizesia sira sente.

“Nu’udar joven ida atu Sujere deit ba Governu ida ne’e hodi tun dereita para hodi hare no sente povu nia moris lor Loron, saida mak povo sira sente iha situasaun implementa serka sanitária nia laran hodi nune governu bele rona direita saida mak povo hakarak….laos iha fatin deit mak koalia maibé atu hatene situasaun ril ne’ebe mak povo sente durante aplikasaun serta sanitária, tamba ne’e Governo tenke hakbesik povo hodi rona povo nia hakarak no saida mak sira sente durante situasaun serka sanitária ne’e,”Ello Sujere.

Ho preokupasaun hirak ne’e nia husu ba Ukun nain sira,atu labele koalia deit iha fatin, maibe oinsa mak bele tun ba iha baze hodi hare situasaun real kona ba povu nia halerik sira nune bele tau konsiderasaun ba povu nia ejizensia hirak ne’e.

Jornalista :Herculano Gomes
Editór Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment