by

Negosiante, husu governu aplika serka sanitária semana ida, labele aumenta tan

Díli – Ba Jornalista Negosiante Luis do Rosario Pereira esplika Hafoin Akontese transmisaun Komunitaria iha Kapital Dili, ne’ebé parte ministereriu saude halo teste sweap ba komunidade sira,maka munisipiu Díli rejista kazu foun pozitivu aumenta,ho nune’e Governu liu husi Konselu ministru deside aplika serka sanitária iha Cidade Díli durante semana ida,maibe hafoin serka sanitária funsiona loron rua deit nia sente susar ba aihan no la hetan rendimentu husi negosiu nebe sira halao.
Preokupasaun nee hatoo ba Jornalista iha Ponte II Komoro Kinta, 11/03/2021.
“Ami nia,moris,lor loron mak nune ona, Ami la loke mos la diak para loron ida rua deit ,horseik horbainrua deit mos ami araska ona atu hola modo mos laiha han hemu nian mos laiha, susar lahalimar nee mak ami obriga an lor loron mai faan iha ne’e, tamba kabun mak obriga ita,maski ema komprador sira laiha,ami mak obriga aan orsida ami nia sasan sira nee bele sai aat hotu”, Katak nia.
“Ami husu ba Governu labele aumenta tan ona serka sanitária ne’e, se lae ami povu bele mate ba hamlaha,tamba agora modo sira mos husi Likisa Aileu sira mos lai ,entaun modo laiha ne’ebé aumenta tan nee ami sente araska ona, Nia informa”
Tamba nee nia husu ba Estadu no Governu atu labele aumenta tan serka sanitária iha munisipiu Díli, tamba sei fó impaktu ba komunidade sira nia nesesidade diaria.

Maibe iha fatin hanesan negosiante roupa obralan Angelina Soares haktuir obrigadu tenki fa’an nafatin ropa obralan ne’e,tamba sira nia nesesidade dependente liu ba negosiu hirak ne’e ,maski governu aplika serka sanitária hodi bandu movimentasaun ema nian.
“Ita nia moris mak hanesan ne’e ona ne’e, ita atu hlo nusa iha uma deit mos la hetan duit ida, se ita iha uma deit han hemu saida neebe hakarak ka lakoi ami tenki faan obralan ne’e,maski ema laiha ami kontinua faan,” hateten Angelina Soares.

Ho ida nee nia sujere ba Governu atu aplika serka sanitária semana ida ne’e deit ,no labele aumenta tan,se lae sira bele mate ba hamala,maibe laos mate ba moras covid 19.

jornalista : Herculano gomes

editor : Gomes

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment