by

Uma ida ahi han , vitima husu ajuda ho urjensia ba MSSI

ZUMALAI  –  Uma ida hetan ahi han iha aldeia Culu Oan suku Tazhilin  postu Zumalai munisipiu Kovalima ,insidente ne’e akontese iha loron Sabadu,06/03/2021 mais ou menus oras, tuku 19:30 otl.

Tuir Kronolojia vitima Juleta Sequeira informa akontesementu ne’e akontese nia rasik lahatene, tamba derepente deit ahi han uma kakuluk mak tun,tamba nee vitima sente triste los tan laiha fatin atu hela tan, ho nunee nia husu ba parte relevante atu fajuda lalais ba nia ho urjensia.

“Ahi han hau nia uma ne’e uma tali,  hau lahatene, tamba ahi lakan derepente deit iha uma kakuluk, hau mos lahatene pasti konsletu fiu ruma ne’e mak ahi han hau nia uma nee, sasan uma laran la salva hotu.  Hau ho hau nia oan no katuas oan  sira salva deit ami nia vida, nem ropa,osan no aihan ahi han hotu,nebe hau husu ba bo’ot sira ajuda hau lalais,tamba hau laiha hela fatin ho hau nia oan sira atu hela, tamba hau husu ba ministeriu solidariedade sosial no inkluzaun atu ajuda lalais ba hau ” esplika Julieta Siqueira.

Maske nunee vitima dehan  husi akontesementu  ida nee vitima la konsege salva sasan uma laran, maibe salva deit sira  nia vida.

Enkuantu Sasin Jose Barreto Haforsa tan katak husi akontesementu nee vitima la salva sasan uma laran ,salva deit sira nia an.

Nia Sublinha “Agora dadauk hau iha fatin akontesementu, akontese primeiru nee hau vitima dehan ahi nee han uluk uma kakuluk depois vitima salva deit sira oan, familia vizinu labele salva tamba fatin akontesementu nee dok mais ou menus cem metrus (100 m).

Tuir Sasin ne’e dehan insidente nee mosu deskumfia konsletu fiu eletricidade hodi ahi han uma,tamba vizinu husi vitima nee distansia dok kuaze metru atus ida nune vizinu labele ajuda.

 

Jornalista   :Herculano Gomes

Editor         :Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment