by

Sekop – ETDA-IADE, asina MoU ho UNDP, hetan finanseiru

Dili-Uniaun nasional ba programa Desenvolvimentu (UNDP) asina nota entendementu ho sekretaria estadu koperativa(SEKOP) ,institutu apoiu Desenvolvimentu emprejarial (IADE) no East Timor development Agency (ETDA) hodi apoiu finanseiru ba aktividade koperativa , emprejarial, ekoturismu no hospitalidade Liu ba grupo produtiva no Joventude Sira.

Alende nee Sekretaria estadu koperativa Elizario Ferreira hateten Memorandum of understanding Ho UNDP ne’e hodi apoiu ba instituisaun tolu atu bele eduka koperantes Sira,Motiva emprejariu no eduka Joventude Sira bele kria rasik servisu ba Sira Nia a’an rasik.

“Memorandum entendementu Ida ne’e asina entre UNDP ho secretario Estado Koperativa,ho IADE,no ETDA ,nota entendementu refere ba UNDP Nia apoiu ba instituisaun tolu ne’e ,atu eduka Ita Nia koperativa Sira no IADE oinsa atu Motiva emprejariu sira  bele sai Diak no ETDA nian atu bele promove no eduka Joventude Sira atu servisu iha ekoturismu ne’ebe Diak hodi kontribui ba Desenvolvimentu ekonomia nasaun nian,”dehan sekop Elizario Ferreira ba jornalista Sira iha ETDA Fatuhada Sesta 5/3/2021.

Reprejentante UNDP ba Timor Leste Munkhtuya altangerel Sente aprisia hodi parseiria ho instituisaun tolu ne’e hodi bele apoiu aktividade koperativa no emprejarial ba joven Sira.

“Ami kontente tebes ho parseria ho sekop ,IADE no ETDA Sira ne’e hotu ami bele apoiu aktividade koperativa no emprejarial no aktividade ne’ebe liga ba Ema  ne’ebe kria servisu rasik ba Nia an ,ba Ida ne’e Ami iha ona fundus balun ne’ebe Ami oferese tiha ona ba banku hodi bele fo ba Sira hodi bele halo Moris fali aktividade ne’ebe Sira halo durante ne’e ,no Agora dadaun Ami fo 500mil husi unpd no Ministerio finansa apoiu tan 500 mil ne’ebe hamutuk 1mil “dehan UNDP.

Enkuantu  Direktur ETDA Januario  Neto Mook fundamenta asina nota entendementu ne’e Parte ETDA sei hare Liu ba sektor rua hanesan ekoturismu no hospitalidade nian.

“Relasiona ho nota entendementu ne’ebe ohin asin entre UNDP ho ETDA ne’e hare Liu ba ekoturismu nian ba Joventude iha sektor Rua ,Ida iha  Hera no Ida maubara  Liu Liu iha area geoturistika no hospitalidade”dehan direktur ETDA.

 

Jornalista    : Herculano Gomes

Editor           :Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment