by

Povu Orguilu, Primeira vez Governu Implementa Politika Programa Cesta bazika Iha TL

Dili – Xefi aldeia Anin fuik suku Kampung Alor Francelino Maia agradese Ba  Estadu no Governu Timor Leste nebe mak lidera husi Primeiru Ministru Taur Matan Ruak tamba kria ona  politika diak hodi implementa programa Rekuperasaun Ekonomika iha situasaun estadu emerjensia nia laran liu husi atribuisaun aihan Cesta bazika  ba populasaun sira iha teritoriu Timor Laran tomak durante situasaun Covid-19.

Informasaun ne’e relata husi xefi aldeia Anin fuik iha Sentru  supermerkadu Pantai kelapa Dili kinta,04/03/2021.

“Ba hau hateten ba ita bo’ot iha dader ida nee,agradese teb-tebes no orguillu tebes ba nasaun Timor -Leste ke foin primeiru vez, Primeiru Ministru ida iha oitavo Governo ida nee lidera nasaun ida nee ke ninia nasaun ida nee ke  tane no valoriza duni povu ida nee nia direitu, start husi inisiu mai osan Covid-19 ninian iha oituan deit mak lahetan sira nia direitu ba osan duzentus dolar mais mais kuandu Cesta bazika kuaze maioria maka hetan,”dehan Francelino Maia.

Iha fatin hanesan benefisiariu Alarico de Deus  Husi aldeia anin fuik zero III sente haksolok  no agradese ba governu tamba bele rekupara ekonomia komunidade nian liu husi fahe  aihan cesta bazika ba sira.

“Diak em primeiru lugar hau nia parabéns ba oitavo Governu ida nee, neebe fo ajuda ona liu husi Covid-19 nian liu husi Cesta bazika, ami suku Kampung Alor husi Aldeia tolu husi Aldeia Zero I Zero II no Zero III, ami sente kontente no agradese maske iha komunidade balun mak naran seidauk mai maibe ami simu Cesta bazika ida nee halo ami “merasa puas ehh”, Merasa puas tamba kada ema ida hetan fos saku ida mina lima liter lahanesan ho fatin sira seluk maibe diferente ho suku Kampung Alor tama $50 dolar nee kompletu ,”Hateten Alarico de Deus.

Tamba ne’e  nia Orguilu ho Empreza  sentru supermerkadu  nian distribuisaun aihan  cesta bazika ba komunidade sira ne’ebe ho kompletu  no laiha protestu  ruma husi komunidade sira.

 

Jornalista   :Herculano Gomes

Editor          :Gomes

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment