by

Komunidade suku Beik seuk, triste ho folin fos aumenta iha kios

TILOMAR  –  Durante situasaun serka sanitaria iha munisipiu Kovalima Komunidade sira sente preokupa ho folin fos ne’ebe mak aumenta iha suku Beiseuk Postu Tilomar ,  situasaun ne’e akontese tamba munisipiu Kovalima  iha hela  situasaun serka sanitaria .Hateten Juliberto ba Jornalista liu husi viatelefone iha suku Beiseuk Aldeia Wetaba Tersa, 02/03/2021.

Alende ne’e komunidade Juliberto iha suku Beiseuk aldeia Wetaba informa  iha situasaun normal folin fos kada 20 kilograma presu $12,50 Sentavos no dadaun ne’e folin fos komesa aumenta ba dolar $16 kada saka.

“Entaun ho folin fos nian,fos folin komesa sae, iha situasaun normal munisipiu Kovalima diretamente ita ba sosa iha ne’eba  kada fos saka ida  dolar sanulu resin rua sentavos lima nulu $12,50,maibe agora depois de estadu emerjensia ida nee fos folin sae liliu negosiante sira mos atu sosa fali fos iha merkadu mos ladiak polisia no F-FDTL la fo espasu ba sira, entaun stok fos ne’ebe mak iha sira nia kios sira nee ho ida nee mak presu fos aumenta ,maibe ita lahatene fos latama entaun sira balu hasae tan folin fos bele to’o dolar rua nulu $ $18 to’o $20 dolar,”Katak nia.

Tuir Julibertu Monis ne’e saleienta  komunidade sira neebe laiha kbiit atu sosa fos iha situasaun kursial ne’e, tamba sira susar tebes atu asesu ba merkadu hodi hetan osan .

“Hanesan ita nia komunidade sira ne’ebe mak moris ho kbi’it laek sira ne’e ,sira susar tebes atu sosa fos osan mos laiha sira lori sira nia produtu ba merkadu atu fa’an mos la diak merkadu taka hotu,” nia hateten.

Hafoin Estadu deklara estensaun estadu emerjensia ba dala XI,  regra ne’ebe  fo sai husi  Estadu no Governu ne’e ho  rigor aplika durante estadu emerjensia  no iha munisipiu Kovalima rasik iha hela  serka sanitaria,parte seuguransa no defeza mos la fo espasu ba komunidade sira atu asesu ba merkadu , nunee komunidade susar atu hetan osan hodi sosan aihan sira.

“Depois de estadu no Governu deklara extende estensaun estadu emerjensia  ba dala XI ne’e estadu Timor Leste hatun regulamentu ida ne’ebe mak rigorozu oituan  foti medidas ba iha prevensaun ba moras covid-19 nian entaun ,iha covid-19 nee sira fo komfiansa tomak ba ita nia forsa nain rua hanesan  forsa F-FDTL no Polisia PNTL sir abele asegura  kombate no prevene moras ida ne’e,entaun iha momentu ida nee sira la  fo moviementasaun ba komunikdade sira no lockdown total no la fo espasu ba komunidade sira atu asesu ba merkadu,” nia sujere.

 

Jornalista     :Herculano Gomes

Editor            : Eryck Gomes

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment