by

Xefi Suku Lour, observa fos iha kios sira laiha ona

ZUMALAI  – Komunidade sira husi suku Lour Postu Zumalai Munisipiu Kovalima susar atu asesu ba aiha han nesesidade bazika sira,tamba munisipiu Kovalima iha hela situasaun serka sanitaria no dadaun ne’e fos iha kios sira laiha ona .

Alende nee Xefi suku Lour Martinho Julio Barreto Observa katak Fos iha Kios kios sira hahu laiha ona,tamba situasaun Covid-19.

“Situasaun neebe mak afeta ba komunidade sira mak  fos iha Zumalai sei iha,maibe menus ona nebe ba iha parte suku sira nee hanesan suku Lour hau observa katak fos iha kios kios sira hotu ona  neebe difikulta tebes ami komunidade Zumalai oinsa atu asesu ba iha aihan sira nee,” Dehan Xefi suku Lour.

Nune’e mos Martinho Barreto hateten Estadu no Governu Estende extensaun Estadu Emerjensia ba dala sanulu resin ida ne’e nudar parte pozitivu atu halo prevensaun ba moras Corona Virus,tamba dadaun nee Covid -19 Kontinua halakon ema nia vida iha mundu Inklui nasaun  Indonesia nebe mate kada loron.

Maibe situasaun nee rasik sei fo impaktu makas ba ekonomia rai laran,no Populasaun Timor -Leste sei infrenta hamlaha karik situasaun nee nafatin akontese nunee.

“Estadu emerjensia ba dala XI ne’e parte ida pozitivu nunee ita bele halo prevensaun ba moras nee labele kona ita,maibe ninia a’at maka  ba oin parese komunidade susar sira tebes atu asesu ba aihan.

Tuir nia Governu tenki tau atensaun ba sira durante serka sanitarua iha munisipiu Kovalima rasik,nunee komunidade sira labele hamlaha ba aihan. durante periodu kursial nee.

“Ami nia hanoin maka oinsa Governu bele fo aihan ba komunidade sira tamba se situasaun nee ba oin lockdown total entaun iha nee afeta liu ba aihan,”Informa nia.

Tamba deit  situasaun transmisaun lokal neebe mak akontese iha postu Fatumea halo komunidade sira labele halao viazem,atu nunee bele halo prevensaun moras refere.

“Situasaun neebe mak  iha Postu Administrativu  Zumalai kona ba Covid – 19 nebe mak mosu iha Covalima liliu ba iha Postu Fatumea halo lockdown liliu ba komunidade sira iha Kovalima  labele lao ba mai no labele mos halo viazem husi postu ida ba postu seluk ,postu ha’at ne’ebe mak pertense liu ba iha fronteira hanesan iha Fatumea,Fatululik,Tilomar no Maukatar labele halo viazem ba mai,no Postu Zumalai mos labele ba liu parte Salele nian,” Nia Sujere.

 

Jornalista    :Herculano Gomes

Editor           :Gomes

 

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment