by

Estudantes EBF Nu.1,2,3 Aitemua, sente tauk Covid -19

TURISCAI – Koordenador Ensino Baziku Filial EBF nu.1,2,3  Aitemua Turicai Francisco da Silva hateten aktividade  prosesu aprendizajem iha Aitemua Turicai  lao normal,maibe estudantes sira sente trauma ho Moras Covid -19 ,tamba Timor Leste akontese ona transmisaun lokal iha Munisipiu Kovalima Postu Administrativu Fatumea Suku Belulik Leten  pozitivu Covid -19  aumenta ba nain ualu(8).

Francisco da Silva hato’o lia hirak nee ba Jornalista liu husi Viatelefone iha Munisipiu Manufahe Postu Administrativu Turiscai Segunda,01/03/2021.

alende ne’e Francisco da Silva dehan alunus sira sente preokupa ,bainhira hare  Iha televizaun  numeru covid-19 ne’e aumenta.

“Iha ne’e labarik sira,nonton iha televizaun hare moras Covid 19 ne’e nia numeru rejista aumenta ne’e mak estudantes sira  sente tauk no trauma  ,maibe ami motiva sira uza maskra distansia fiziku  nafatin,” Dehan Francusco da Silva.

Tuir Kordenador EBF Nu.123 Aitemua Turiscai ne’e informa relativamente situasaun transmisaun lokal ne’ebe mak akontese iha Postu Fatumea nee ,husu harohan deit ba Nai Maromak Atu  Moras ne’e labele daet mai to’o iha Raiklaran.

“Kona ba situasaun Covid – 19 ne’ebe mak akontese transmisaun lokal iha munisipiu Kovalima Postu Fatumea ne’e, ami harohan Nai Maromak deit katak moras ne’e to’o iha deit fronteira i labele da’et mai iha raiklaran hanesan Munisipiu Manufahi, Ainaro no Aileu,”Katak Nia.

Responsavel EBF Nu.123 ne’e relata katak  atividade prosesu aprendizajem lao normal Iha eskola ne’e ,maski atividade ne’e lao durante situasaun  surtu Covid 19 nia laran.

“Ami nia aprendizajem lao hanesan baibain mesmu estadu emerjensia ami mos seidauk iha sirkular ida  atu para eskola ruma, ami kontinua hela hodi hein ordem deit ami iha ne’e regras ne’e kumpri hanesan uluk ami halao  estadu emerjensia primeiru nee ,ami prepara masa sira iha eskola oin hodi tau bee i depois liu fulan ida ami desinfekta dala rua,” Nia salienta.

Estudantes iha EBF Nu.123 Aitemua Turiscai hamutuk 241 kompostu husi mane hamutuk 121 ni feto 120 profesores hamutuk 15 no kontratadu  nain tolu.

 

Jornalista    :Herculano Gomes

Editor          : Eryck Gomes

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment