by

Vasina Astrazeneka nu’udar dalan prevensaun, kontra Covid -19

DILI – Reprezentante World Health Organization (WHO),iha Timor Leste Zena esplika vasina astrazeneka mak nu’udar dalan prevensaun no efetivu liu atu kontra Covid -19.Hateten Zena ba,Jornalista sira iha Edificio FONGTIL  Kaikoli Dili,Kinta,25/02/2021.

Asunto ne’e fo sai husi Reprezentante WHO iha Timor Leste bainhira marka prezensa iha  diskusaun ho sosiedade sivil sira, hodi dezimina informasaun  kona ba vasina astrazeneka neebe mak sei.

“Wainhira vasina ida neebe seguru no efetivu hodi kontra covid -19 ida nee mak sai hanesan prevensaun ka aksaun ida nebe efetivu liu no bele proteze ita nia populasaun sira husi Covid-19 no bele diminui transmisaun no hamenus numeru mate iha global”,Dehan Zena.

Ho nunee Reprezentante WHO iha Timor Leste nee salienta ,Vasina mak nudar meius ida  atu halo prevensaun no proteze husi moras corona virus.

“Ita hare katak vasina mak agora dadauk  nudar,meius ida neebe mak bele haforsa ita nia protesaun no prevensaun entaun oinsa vasina nee proteze ita,wainhira ita simu vasina nia treinu ita nia sistema imunidade atu bele rekonese virus nee,virus ida Covid -2  Nee ,tipu dois ne’e atu rekonese nia no ataka nia ne’e mak funsaun vasina nian iha ita nia sistema imunidade nee hodi kontra virus ne’e “Tenki Nia.

Nia Dehan Vasina Maski vasina ne’e  la rezolve moras Covid 19,maibe oinsa mak ema hotu bele proteze a’an molok akontese kazu mate,ho nunee nia husu ba populasaun sira hotu atu nafatin kumpri regras husi OMS no MS nebe mak fo sai.

“Ho ida nee vasina deit sei la rezolve ho ida nee( ita aman) ,ita la uza maskra ita mos bele halo festa laiha distansiamemtu sosial mos lae,bainhira vasina introdus ona  ita tenki kontinua nafatin uza maskra fase liman bebeik distansia sosial,wainhira mear,tenki hodi liman sikun mak taka ibun”,Katak Nia.

Tamba nee sujere ba populasaun sira hotu katak bainhira vasina introdus tenki kumpri regras sira ne’ebe aplika ona husi Organizasaun Mundial Saude no Ministeriu Saude.

 

Jornalista :Herculano Gomes

Editór        : Eryck Gomes

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment