by

FM, Rekomenda Ministeriu Defeza atu aselera prosesu rekrutamentu F-FDTL

Díli,Relasiona ho Rekrutamentu Militar  FFDTL neebe mak sei halo rekrutamentu atus neen (600), iha fulan abril tinan nee ,Diretor Ezekutivu  Fundasaun Mahein (FM) João Almeida Sujere ba munisteriu defeza atu aselera prosesu rekrutamentu militar nee.

Diretor Fundasaun Mahein João Almeida relata informasaun ne’e  ,ba Jornalista sira iha Edifisiu FONGTIL Kaikoli Dili,Kinta 25/02/2021.

Ho nune’e João Almeida  rekomenda ba ministeriu Defeza no seguransa Filomeno Paixão de Jesus atu aselera prosesu rekrutamentu ne’e tuir planu nebe mak iha.

“Tamba ne’e hau hanoin katak orsamentu 2021 alokadu ona i signifika katak rekrutamentu ne’e planeadu katak sei akontese iha tinan 2021 ,tamba ne’e hanoin katak rekomendasaun importante ida mak ministeriu defeza aselera prosesu rekrutamentu ne’e tuir planu neebe mak ministeriu defeza planeia  no aprezenta ona ba parlamentu i orsamentu ne’e mos promulgadu ona”,Nia Rekomenda.

“Portantu ekipamentus sira ne’e la disponivel iha railaran ,hotu hotu mai husi rai liur ,tamba nee hau hanoin katak desizaun iha ona depende mos kondisaun ,portantu ita hare ba situsaun Forsas Armadas nian rekrutamentu  hanesan nesesidade ida,tamba sa?Tamba tuir planu forsa 2020 hatete katak too 2020 nee ita atinji ona efetivus ne’e rihun tolu atus neen(3.600)”,João Almeida Esplika.

Alende ne’e Ezekutivu FM  mos afirma,maski iha ona orsamentu alokadu ba iha rekrutamentu ne’e,maibe ho situasaun Covod-19 nebe Timor Leste hasoru ,hodi afeta ba rekrutamentu ba militar foun iha tinan nee,tamba ekipamentus sira hotu mai husi rai liur ,ho nune’e difikulta ba prosesu ne’e.

Nia Esplika “Tamba ne’e rekrutamentu ita hotu akompanha iha  tinan ida ne’e sei iha duni rekrutamentu ba soldadu sira i ministeriu defeza mos koalia ona katak iha ona orsamentu neebe alokadu ba rekrutamentu mais ita mos iha difikuldade balun hanesan ohin ita temi kona ba ekipamentus fasilidade iha tempu hanesan krizi saude publika ou ida ne’e afeta mos ba atividade sira nebe atu bele fasilita ekipamentus sira nee bele mai too ita nia rain “Dehan Almeida.

Fo hanoin fali  katak iha tinan 2020 Governu atu halo rekrutamentu membru FDTL foun  ,maibe tamba akontese impase politika hodi afeta mos ba atividade  nee.

“Maibe ita mós hare katak iha kazu iha tinan 2018 ,mai iha tinan 2020 ita iha hela situasaun impase politika nia laran entaun afeta mós ba atividade sira rekrutamentu  ninian ,portantu liga ho orsamentu hau hanoin katak ida ne’e mak difikuldade ne’ebe ita iha”,Tenik nia.

Nia salienta ,hafoin orsamentu 2021 hetan aprovadu husi Prezidente Republika ,maibe tamba moras Corona Virus akontese ezekusaun OJE 2021 tarde.

“Maibé orsamentu 2021 aprovadu i promulgadu ona husi Prezidente da Republika agora fila fali ba nia ezekusaun hare mós,situasaun ida ohin loron nian maibe nesesidade nee Forsas Armadas nian “Katak João Almeida.

Jornalista    : Herculano Gomes

Editór       : Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment