by

REMATA PERIODU COVID-19 ESKOLA NOBEL DA PAZ SEI HARI’I EDIFISIU PERMANENTE

Dili-25-02-2021,  Ba radiu komunidade komoro Diretor Jeral no mos fundador eskola nobel, Pedru Nunes Menezes afirma iha tinan ida ne’e sei hari edifisiu permanente, maibe iha situasaun pandemia covid-19  ne’e remata mak foin konstrusaun.

Iha entrevista diretor eskola nobel esplika,foin lalais ne’e sira halo ona teste solu no tofografia,maibe periodu corona virus hotu mak hafoin halo edifisiu refere. Enkuantu diretor ne’e hakle’an, atu hari edifisiu permanente , ne’e planu definitivu.

“Foin lalis ne’e ami bolu ona ema tekniku sira mai, hodi halo teste solu ba da uluk nian, tuir mai fali mak teste tofografia,maibe como estadu emerjensia, entaun ami sei tunda, bainhira remata mak hahu, maibe hau nia hakark iha tinan ida ne’e duni, no planu refre ne’e definitive, lakohi depende deit ba estadu no governu, karik ami la’o ba mak forsa lato’o hafoin husu netik apoiu ruma. Entretantu Diretor Jeral eskola nobel da paz admite, bainhira remata period covid-19, ami  sei konvida  ministeriu relevante sira  no fundadores, nune’e hamutuk

ho ami nodi  realiza serimonia lansa primera pedra ba konstrusaun edifisiu eskola nobel da paz.”. tenik diretor

Enkuantu orsamentu ba kontrusaun edifisiu ne’e mai husi propinas ne’ebe mak kada estudante sira selu ba eskola.

 

 Jornalista;Donya fernandes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment