by

Unijma : labele fiar vasina,diak liu fiar kultura

Díli – Uniaun Nasional Juventude Maubere (UNIJMA ATIVISTA PRO-RDTL) husu estadu no Governu labele fiar vasina ne’ebe ajuda husi doadores sira internsional, diak liu  fiar deit kultura ka lisan sira Timor nian , maski Organizasaun Mundial Saude(OMS) uza vasina hodi kontra Covid – 19 ne’e,maibe virus ne’e  rasik kontinua hamate ema iha mundu . Hateten Posta Voz Unijma Ativista Pro -RDTL  Marcelino Caldas ba Jornalista sira liu husi Komferensia ba Imprensa nebe mak halao iha Sede temporariu Iha Manleuana Dili,Tersa,23/02/2021.

“Govemu mos iha ona planu nasional atu halo vasinasaun ba populasaun sira iha Timor-Leste, tuir Organizasaun Mundial Saude (OMS) nian planu / rekomendasaun katak, govemu tenki halo vasinasaun mak bele kontra Covid 19. Kona ba ida ne’e, ami hakarak hato’o ba estadu / governu katak, Timor-Leste nudar estadu soberanu, diak liu tau as/kaer metin nian soberania hodi fiar nian kultura ka lisan rasik. No governu tenki mobiliza lia nain sira atu halo tuir no hametin Timor leste nian lisan / kultura rasik hanesan uluk iha funu hodi proteje funu nain sira, duke fiar fali ajensia intemasional no pais doadores sira nebe lakonsegue trava moras at ne’e ho sira nian aimoruk, hodi mate naba-naba to’o ohin loron. Nune’e, Timor-Leste atu uza aimoruk husi nasaun sira nebe sai ona vitima ba Covid-l9 tenki kuidadu di-diak tanba orgaun ema limor la hanesan ho orgaun ema husi Europa nian”. Rekomemda Porta Voz Marcelino Caldas

Tan ne’e Unijma sujere ba Publiku sira hotu iha Timor Leste atu mantem  kumpri regras husi Organizasaun mundial Saude (OMS) no ministeriu saude neebe mak fo sai ona.

” Ami husu ba publiku no povu tomak iha Timor Leste, atu kontinua mantcin/kria distansia sosial/fizikufase liman beik-beik ho sabaun no uza maskra, wainhira Iao sai ba liur. Povu sira liu-liu iha Fronteira tenki hola konsiensia, hanesan uluk iha baze de apoiu, atu halo vijilansia popular forte iha Forsas Armadas nian koluk nudar arame-farpadu ida nebe labele husik ema ka animal ruma hakat liu husi “dehan Porta voz.

Tuir porta voz nee argurmenta tan katak atu labele akontese transmisaun lokal maka estadu no governu tenki konsensializa  povu sira ne’ebe hela besik liu fronteira terestre sira hodi halo vizilansia forte iha fatin nebe ema kontinua tama sai ilegal.

“Atu movimentu ilegal sira ne’e labele hakat liu nafatin fronteira, ami mos husu ba estadu/govemu tenki mobiliza no konsiensializa povu kiik sira nebe hela iha nivel suku no aldeia, liu-liu sira nebe hela besik fronteira Suai no Bobonaro tenki halo vijilansia popular forte, hanesan uluk aplika iha funu ho Baze de Apoiu hasoru okupasaun (inimigu visivel). 86 apoiu/involvimento diretu ka partisipasaun popular husi povu rasik mak bele prevene/hamate movimentu ilegal husi ema sira nebe bele lori moras Covid-l9 (inimigu invisivel) husi fronteira mai Timor Leste. ”

 

Jornalista :Herculano Gomes

Editor        :Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment