by

Unijma husu MP ,atu haruka kazu Sede CPD – RDTL ba tribunal

Díli – Uniaun Nasional Juventude Maubere (UNIJMA ATIVISTA PRO-RDTL) husu  ba ministeriu Publiku atu hato’o kazu  sede CPD -RDTL ba tribunal  ne’ebe rejista ho nia numeru entrada 639/07/2020 iha loron 09 fulan Julho 2020 hodi hetan lialos tuir lei. Hateten Posta Voz Unijma Ativista Pro -RDTL  Marcelino Caldas ba Jornalista sira liu husi Komferensia ba Imprensa nebe mak halao iha Sede temporariu Iha Manleuana Dili,Tersa,23/02/2021.

“Kona ba Prosesu keixa iha Prokuradoria Geral da Republika tuir lei inan /2002 nian artigo 132, pontu 1 katak ministeriu publiku mak reprezenta Estadu halao asaun penal , defende legalidade demokratika no promove banati tuir lei,nune’e ami husu ba prokuradoria jeral Republika ne’ebe hamrik nu’udar orgaun bo’ot liu iha ministeriu publiku Atu haruka ona ami nia prosesu ho numeru entrada : 639/07/2020,loron 09 de julho de 2020 ba tribunal hodi hetan lialos, tanba sidadaun ho numeru wain, nebe tinan nen (6) resin sai vitima ba akuzasaun falsa no abuzu poder, mos halo parte ba Estadu nebe Ministeriu Publiku reprezenta”.dehan portavoz Marcelino

Tamba ne’e Organizasaun Unijma alerta ba  Prokuradoria Geral Republika ho konsensia no imparsialidade atu hatama ona kona ba kazu  Sensitivu CPD -RDTL nian  ne’e ba tribunal ,nune’e Onkum sira nebe involve iha kazu ne’e bele ba hatan iha tribunal,tuir lei haruka.

“Dala ida tan, nudar vitimas nian reprezentantes, ami alerta ba dignisimu Prokurador Geral da Republika nian alta konsiensia no imparsialidade, atu hatama ona kazu sensitivu ida ne’e ba tribunal, hodi sidadaun, oknum sira ne’ebe hetan akuzasaun  ne’e bele hatan kona ba sira hahalok iha justisa nia fatin, tuir Lei_inan nian artigu 16, artigu 26, anigu 28, artigu 48 no lei oan hirak ne’ebe sira viola”.

Tanba tribunal mak fatin nebe hala’o justisa ho lialos, tuir Lei-Inan nian artigu 11.pontu I no 3 eh artigu 121, pontu 2 .

Ho nune’e Portavoz ne’e rekomemda ba Ministeriu Publiku atu aselera lalais prosesu ba kazu sede CPD RDTL nian nebe mak antes sira hatama ona keixa ba iha Prokuradoria Geral Republika.

 

Jornalista  : Herculano Gomes

Editor        : Gomes

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment