by

Atividade eskolar iha Kovalima, reativa fali

Covalima, Direktór Eskola Secundária Vokasional Teknika  Zumalai (STVZ) Inocensio Barreto Cardoso hateten iha loron 19 ekipa konjunta husi autoridade munisipiu Kovalima ,Edukasaun ,Task force,Polisia Nasional Timor Leste(PNTL)no administrador postu sira,atu suspende atividade eskolar iha munisipiu Kovalima,maibe sirkular nebe mak fo sai iha loron 20 fulan  fevereiru nee atu reativa fali atividade eskolar.

Direktór Secundario Tekniko  Vokasional Zumalai Inocensio Cardoso Barreto informa asunto nee ba jornalista liu husi viatelefone iha Nia Munisipiu Covalima Postu administrativu Zumalai,Sabadu,20/02/2021.

“Iha loron 19 fo sai sirkular ida husi autoridade munisipiu Kovalima konjuntu ho Taskforce  munisipiu Kovalima ,edukasaun,PNTL no administrador postu sira hodi hasai sirkular ida atu suspende atividade letiva iha munisipiu Kovalima ,tamba ho lockdown ne’ebé mak iha ,ne’ebe ami fo sai avizu ba estudantes no profesor sira maibé ohin fali dia 20 ne’e hasai fali sirkular ida dada fila fali sirkular numeru um ne’e katak iha numeru rua ne’e  dehan prosesu aprendizajem ne’e atu reativa fila fali”.

Enkuantu Inocensio Cardoso Barreto haforsa tan katak maski situasaun Covid -19 nee sente afeitadu ba iha munisipiu Kovalima,ho nunee parte ekipa husi ministeriu saude no edukasaun ho seguransa servisu konjunta hodi hasai sirkular ida atu taka provizoriu eskola refere.

Tuir lolos nee moras covid 19 ne’e afeita duni  ba populasaun sira nebe hela besik iha area fronteira sira ,maibe,tuir,informasaun ne’ebé mak hau hetan katak sira sei hein husi ministeriu edukasaun katak ordem ne’e suspende atividade eskolar ka,reativa prosesu aprendizajem.

Durante situasaun Covid – 19 lao aktividades prosesu aprendizajem ne’ebé mak halao iha ami nia eskola tuir estadu emerjensia ne’ebé mak iha ,iha duni problema ne’ebe mak difikulta ami bainhira ami halao prosesu aprendizajem,tamba ho kuantidade alunus nebe mak barak  sala de aula menus atu kumpri regras husi ministeriu saude(MS) no Organizasaun Mundial Saude (OMS)hanesan distansia fiziku presiza metru ida ,ne’ebé estudantes ne’e ami fahe ba grupu rua ,ne’ebe kada sala de aula ami akumula estudantes trinta sinku pesoas(35) ida nee mak agora dadauk lao  presiza kumpri regras hanesan halo distansiamentu sosial,uza maskra fase liman bebeik ho sabaun.

Entretantu nia afirma katak atu labele akontese transmisaun lokal ,maka atividade eskolar nebe mak lao ,tenki kumpri regras husi ministeriu saude (MS) no Organizasaun Mundial Saude (OMS),hanesan mantem kumpri distansia fiziku,uza maskra bainhira lao iha dalan publiku ,fase liman bebeik ho sabaun.

 

Jornalista :Herculano Gomes

Editór    :Gomes

 

 

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment