by

Inocensio Cardozo : Eskola secundario Zumalai menus profesores no laiha kaderneta

Covalima  –  Diretor Eskola Secundaria Tekniku Vokasional Zumalai(ESTVZ) Inocensio Cardoso  Barreto   hateten   eskola ne’e rasik  infrenta problema rekursu umanu , tamba eskola ne’e professor nebe atu hanorin estudantes sira menus liu  ba iha area informatika inklui livru ba estudantes no kaderneta mos laiha. Hateten Direktor ESTVZ Inocensio Cardozo Barreto ba Jornalista liu husi viatelefone Sabadu,20/02/2021.

“Difikuldade ne’ebe mak ami hetan ne’e primeiru relasaun ho rekursu humanu tamba ami iha limitasaun ba profesor ba iha departamentu informatika ninian ,segundu livru manual do alunu liliu ba iha desimu segundu ano (klas tiga sira) nian nee menus liu ,ikus liu mak  kaderneta ,tamba kaderneta ate agora deit seidauk iha”.dehan Inocensio Cardozo Barreto

Alende ne’e Responsavel maximu Eskola  Tekniku Vokasional Zumalai  Inocensio Cardozo  informa   eskola nee rasik   seidauk iha aula pratika ,no dadaun nee sira uza deit sala de aula,maibe laos  kestaun ida nee deit mak sira hasoru , sira mos menus komputador  atu halao pratika,tamba komuputador nebe mak sira iha hetan kontribuisaun husi estudantes nia Inan Aman .

“Sim relasaun ho informatika  se ita hare ba insfraestrutura seidauk iha aula pratika no laboratorium rasik agora dadaun nee ami sei uza sala de aula uza ida ne’e mak halao pratika nebe fasilidade ne’ebe mak iha menus komputador tamba durante ne’e mak  fo kontribuisaun ba eskola lori sosa komputador”Katak Inocensio

Tamba nee nia rekomenda ba ministeriu revante atu tau atensaun ba preokupasaun ne’ebe mak eskola Secundario Tekniko Vokasional Zumalai  ne’e infrenta hela.

“Ami rekomenda ba  ministeriu edukasaun liliu ba iha livru ne’e  ba desimu segundu ano no manual do alunu sebele ministeriu da edukasaun liliu ba iha diresaun kurikulum nee atu fo ajuda mai ami para professor no alunu sir abele uza lori aprende,husu mos ba ministeriu edukasaun atu ajuda hela komputador maizumenus  ruanulu ida hanesan ne’e ba iha ami nia eskola para ami nia estudante sir abele uza lori pratika atu hasae sira nia abilidade”. Inocensio Rekomenda

Estudantes iha eskola secundaria tekniku vokasional hamutuk atus tolu haat nulu resin ualu(348) mane atus rua no feto atus ida haat nulu resin ualu(148) ,no professor permanente   hamutuk sanulu resin rua (12) kontratadu nain neen (6) no professor parsial hamutuk nain sia (9).

 

Jornalista   :Herculano Gomes

Editor           :  Eryck Gomes

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment