by

FM, Sujere Governu haforsa F-FDTL, PNTL area fronteira

Díli – Fundasaun Mahein (FM),husu  Governu haforsa membru Falintil Forsa defeza Timor Leste( F – FDTL ) no Polisia Nasional Timor Leste(PNTL) iha area fronteira sira hodi limite movimentu ilegais .Dehan Sancho Xavier ba Jornalista sira iha nia kna’ar fatin Bairo Grilhos Dili,Sexta,19/02/2021.

“Buat balun ne’ebe ami hare  bele reforsa  tan seguransa iha fronteira hodi limite movimentu iha fronteira. maibe presiza mos bare ba direito cidadaun sira nian tamba dala barak sira trauma    ho sintomas sira mear isi manas  no laiha prevensaun lakleur mate  entaun ida ne’e perigo tebes mai ita. tamba ne’e mak ami hare medida sira ne’ebe aplika ne diak  ba ita  oinsa atu halo prevensaun. maibe buat balun  ne’ebe ami hare  ladun rigor.maske ita koloka hotu ita nia autoridade polisia ho forsa atu halo prevensaun iha ne’eba  mos movimentu kontinua akontese  ida ne’e tamba  ita hare komunidade sira iha ne’eba  liu-liu iha municipiu tolu ou ha’at  ne’eba  dala barak relasaun  familia no kultura  ligasaun ba sira ne’ebe  hela iha kupang no atambua  indonezia”.Nia reforsa

Enkuantu Koordenador ne’e  akresenta Governu tenki kriminaliza sidadaun ne’ebe mak halo movimentu iha zona fronteira sira durante situasaun estadu emerjensia ne’e.

“Ho relasaun hirak ne’e mak komunidade sira kontinua movimentu  hodi tama sai fronteira,maibe iha estadu emerjensia  ne’e mos kriminaliza komunidade sira  ne’ebe movimentu ba mai. tamba ida ne’e mak  estadu kria emerjensia  hodi taka movimentu  ba kada semana ida dala ida oha loron kuarta durante oras 2  ba movimentu iha fronteira.  iha neba presiza mos ministeriu sira seluk nia prezensa mos tamba moras covid- 19,  nia impaktu  mos ba atividade sira seluk. tamba ne ita laiha prezensa problema hirak ne nafatin mosu”.Nia Sujere

Entretantu Nia informa katak atu limita movimemtu ilegais iha zona nebe identifikadu ba komunidade hodi halo movimemtu ba mai maka,presiza Governante sira nia prezensa too iha fatin hodi observa problema refere.

 

Estajiariu Unital        : Anys

Editór                         :Gomes

 

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment