by

SOSIEDADE SIVIL HUSU GOVERNU, AUMENTA F-FDTL NO PNTL KONTROLA MOVIMENTU ILEGAIS

Dili,16 fevereru 2021, Director Fongtil Daniel Santos do Carmo hato’o asuntu ne’e liu husi konferensia ba imprensa ne’ebe mak hala’o iha palasiu sinzas Kaikoli.

Enkuantu Director Forum Organizasaun Timor Leste (FONGTIL) Daniel Santos Do Carmo  husu ba Governu atu haforsa Linhas Fronteiras liu husi mobiliza movimentu, involvimentu komunidade autoridade komunitaria hodi apoiu F-FDTL no PNTL nune bele kontrola movimentu illegal.

Daniel hatutan apresia ba progresu servisu ne’ebe Governu halo hamutuk ho linhas frente hanesan mediku pesoal saude, F-FDTL no PNTL tamba liu husi linha kordenhasaun ne’ebe diak konsegue fo atendimentu ba sidadaun sira iha kuarentena.

Tamba ne’e nia afirma ba publiku katak liu husi enkontru membru sosiedade sivil sira hanesan FONGTIL, TLC, CGT,  REDE FETO TIMOR LESTE, BESI T-L, hamutuk ho AZARD, MEDI-OXFAM, REDE  HASATIL no ativista Sosiedade Sivil iha Loron 15 fulan fevereiru tinan ne’e deside hodi re estabelese ekipa voluntariu sosiedade sivil nian ba apoiu servisu prevensaun Covid19 ho nia objektivu atu apoiu sosializasaun no sensibilizasaun ba komunidade relativamente ba esforsu nasional prevensaun Covid19.

Jornalista : Mario Da Costa Soares

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment