by

Diretór DNCRC_SECOMS Vizita Rádio Comunidade Comoro

Observa situasaun reál servisu jornalista RCC ”.

Díli, 25 Maiu 2020 – Diretór Direção Nacional Centro Rádio Comunidade (DN-CRC)_SECOMS, Abel da Conceição, vizita Rádio Comunidade Comoro (CRC) hodi observa situasaun reál servisu Konsellu Administrasaun ho nia jornalista  voluntáriu sira.

Vizita ne’e oportunu tebes hodi troka ideias nesesáriu futuru rádiu komunidade sira atu bele mantein sira nia papel nu’udar mídia komunitária, liu-liu dezenvolve konteúdu programasaun atravéz identifika  potensialidade no rekursu hirak ne’ebé durante ne’e la deskobre.

Durante konversa, RCC relata mos progresu no dezafiu inklui planu programa hirak ne’ebé sei dezenvolve iha futuru liu husi hasae partisipasaun komunidade sira nian iha notísia lokal hodi publika iha website no radiostreaming ne’ebé estabelese ona ho apoiu Fundus Duodesimal Secoms nian iha fulan Fevereiru foin lalais ne’ebé sei lansa iha tempu badak, nune’e rádiu komunidade sira bele kompete iha mundu teknolojia informasaun ne’ebé oras ne’e avansadu tebes.

Kona-ba Autor: Radio Comunidade Comoro

Gravatar Image
Radio Comunidade Comoro (RCC) nu’udar organizasaun mídia komunitáriu ne’ebé non-lukru no hetan inisiativa no partisipasaun másimu husi komunidade, liu-liu joventude sira ne’ebé iha ispíritu voluntarizmu a’ás hodi kontibui ba vizaun no misaun RCC nian.

Comment